P600,00.00 loan assistance gihatag ni Gov. Tyron sa 3 ka mga Coop

Compostela Valley Province – Laing tulo na sad ka mga kooperatiba ang gihatagan ni Gov. Jayvee Tyron Uy sa ilang loan assistance nga nagkantidad og P600,000.00 ilalom sa mas gipakusog niyang “Micro Credit Assistance Program for Cooperatives (MCAPC)”.

Ang pagtunol sa tulo ka mga tseke nahitabo diha sa kapitolyo niadtong Mayo 27,2019 panahon sa employees regular convocation program ug nakauban ni Provincial Administrator Virgilia S. Allones sila Cooperative Development Division Chief Manny Buladaco ug PAGRO Chief Minda Agarano nga nagtunol sa mga tseke ngadto sa Tagugpo Consumers Cooperative sa Tagugpo Pantukan-P100,000.00 1st Loan para sa additional capital sa ilang consumer store; sa Limpong ng Kaubayan ng Binaba Cooperative sa Kingking, Pantukan-P200,000.00 para additional capital sa ilang consumer store; ug sa Tinago Irrigators Association sa Tubo-tubo, Monkayo-P250,000.00 para additional capital sa ilang Buy and Sell of Agri-products and Inputs.

Si Provincial Cooperative Development  Division Chief Manny Buladaco sa Comval PAGRO nagsulti nga sa pagkakaron miabot na sa 98 ka mga Kooperatiba sa Comval Province ang nakabenipisyo sa walay interest nga pahulam ilalom sa MCAPC.

Phase-1 niining programaha ang paghatag sa P150,000.00 Loan Assistance nga walay interest diin ang sayo nga mobayad P125,000.00 lang ang ilang ibalik sa probinsiya. Samtang, kadtong mga nakabayad na nga hugtanong naka-comply sa tanang mga kodisyones mahimong makahulam sa mas taas nga kantidad diin  Phase-2 niini ang paghatag sa reloan nga P200,000.00 nga walay interest. Samtang, Phase-3 ang paghatag og P250,000.00 nga 2nd Reloan nga wala gihapoy interest.

Sa pagkakaron miabot na sa 98 ka mga koop ang nakabenepisyo sa walay interest nga pahulam sa probinsiya ilalom sa MCAPC

, ug 44 na kanila ang nahatagan sa ilang P200,000.00 nga 1st Reloan.. (Gilbert M. Cabahug, PAO-ID Comval)