Libreng Durian ug Calamansi Seedlings gipanghatag atol sa “Farmers and Fisherfolks Month Celebration 2019”

Compostela Valley Province–-Gipanghatagan sa libreng Calamansi seedlings, Durian Seedlings, ug Rice Seeds ang kapin kon kulang 700 ka mga mangunguma nga nagtapok diha sa Municipal Dome sa lungsod sa Monkayo atol sa “2019 Farmers and Fsherfolk Month Celebration”.

Ilalom sa temang “Magsasaka’t Mangingisdang Pilipino, Saludo ang Bansa sa Sipag, Tibay at Lakas.” Ang selebrasyon niadtong Mayo 23,2019 gisugdan sa Welcome Message  ni Mayor Ramil Gentugaya nga nahitabo human ang nasudnong Awit ug Opening Prayer nga gipanguluhan ni New Calape MPC Chair Lope Padilla.

 

Si PAGRO Chief Minda Agarano maoy mihatag sa Rationale sa kalihokan human ang  Welcome Message ni Mayor Gentugaya nga gisundan sad dayon sa Inspiring Message ni Gov. Jayvee Tyron Uy nga gipabati ni Congressman Elect Vice Gov. Manuel “Way kurat” Zamora, sa Message of Support ni DA Region XI Dir. Ricardo Oñate, ug sa Keynote Message ni 11th EastMinCom Commander Lt. General Felimon R Santos Jr.

Highlight sa kalihokan ang paghatag og Award sa mga Gawad Saka Provincial Level Awardee ug sa pipila ka mga Comvaleño nga nakadaug sa bag-o nahumang Philippine Coffee Competition.

Apan sa Program Proper adunay Lecture nila Dr. Jaime Anter sa topikong “Innovation on Coffee Product” ug Coffee for Peace CEO/Founder Felicitas B. Pantoja nga maoy mihatag og Lecture bahin sa Market Potentials of Coffee.

Dugang pakigpulong ang “Highlights on Liwanag ng Pamilya Program” ni Provincial Development Council Chair Madam Sholai nga gipabati ni Curriculum Instruction Division (CID) Chief Josie Bolofer sa Comval DepEd.(Gilbert M. Cabahug, PAO-ID Comval)