Sa Comval: Term Rotation para sa mga IPMR hisgotan sa PTC Meeting

Compostela Valley Province—-Apil ang Term Rotation sa mga molingkod nga Indigenous People’s Mandatory Representatives (IPMR) sa probinsiya, sa mga lungsod, ug sa barangay sa mga labing importanteng butang nga pagahisgotan sa umaabot nga Provincial Tribal Council (PTC) Meeting diha sa Comval Capitol.

Human sa usa ka adlawng “Workshop on National and Local IPMR Selection Guidelines”

subling nagtapok diha sa kapitolyo ang kapin 60 ka mga Regular Members sa Provincial Tribal Council aron ilang ratipikahan ang Draft niini ug ila gihapong facilitator si NCIP Region XI Legal Officer Atty. Ronnie Bulotano.

Ang tigom nahitabo niadtong Abril 8, 2019  diin mismo si IPMR Representative Felipe Masambo maoy mihatag og Welcome Message nga gisundan sad dayon sa pagrekognisar ni NCIP Community Development Officer Natanael S. Deapera sa mga partisipante, sa paghatag ni NCIP Provincial Dir. Roger Lumbin sa rationale sa kalihokan, ug sa pagpresentar ni NCIP Region XI Legal Officer Atty. Ronnie Bulotano sa “Proposed Local Guidelines of IPMR nga maoy output sa bag-o nahumang “Workshop on National and Local IPMR Selection Guidelines”.

Sa Comval Province miyembro sa PTC ang Mun. Tribal Chieftains, ang Mun. IPMR, ang Mun. IP Youth President,  ang Ancestral Domain Managers sa onse ka mga munisipyo, ang 15 representante sa Cagan Tribe, ug ang Mun. Women President nga pulos molingkod sa PTC ug Municipal Tribal Council (MTC) para sa nagapadayong IPMR Selection Processes.

Sa pagkakaron ang Comval Province adunay kompletong IPMR ang onse ka mga munisipyo ug usa sa mga probinsiya sa nasud nga dunay pinakadaghang IPMR sa kabarangayan nga miabot na sa 209 ang kinatibuk-ang ihap sa ilang gidaghanon.

Sa milabayng Marso 20, 2019 gipanguluhan mismo ni Provincial IPMR BM Masambo ang kapin 60 ka mga Regular Members sa PTC nga nagtapok diha sa Comval Capitol alang sa usa ka adlawng “Workshop on National and Local IPMR Selection Guidelines” nga parte sa preparasyon sa pagahimoong “IPMR Selection Process Guidelines” sa probinsiya, sa mga munisipyo, ug sa mga kabaranggayan.(Gilbert M. Cabahug PAO-ID Comval)