Sa Comval: Mini-Kitchen tukoron sa GIDAs panahon sa Brigada Eskwela

Compostela Valley Province—-Pagabutangan og Mini-Kitchen ni Gov. Jayvee Tyron Uy ang pampublikong mga eskwelahan sa elementarya diha sa mga lugar nga giilang Geographically Isolated and Depressed Areas (GIDAs) o mga lugar nga hilit og grabe ka tuyoon nga gikonsiderang Special Cases sa “Bayanihan Para sa Kalusugan-Kusina ng Kalinga (BPSK-KNK) Program” .

Si Mark Tenio KNK Focal person nagsulti nga aron mahatag sa hustong oras ngadto sa mga kabataang nakabenepisyo sa libreng paniudto sa mga pagkaong masustansiya ug puno sa bitamina nga ihatag sa probinbsiya kada adlaw ilalom sa  BPSK-KNK Program”, gimando karon ni Gov. Tyron Uy ang pagbutang og Mini-Kitchen diha mismo sa mga eskwelahan  sa GIDAs nga dunganon pagtukod atol sa Brigada Eskwela diin parte sa preprasyon ang mga building materials nga gihatud karon sa probinsiya.

Niadtong Enero 2019 gisugdan sa gobernador sa pag-implementar ang “Universal Feeding Project”ug unang hunat sa proyekto ang paghatag og libreng paniudto kada adlaw ngadto sa tanang ES Pupils sa  lima ka pampublikong mga eskwelahan sa Elementarya sa Compostela Valley.

Sama sa una ug sa ikaduhang Roll-out sa BPSK-KNK Program, partner gihapon sa probinsiya niini ang Comval DepEd nga naghatag ug dakong pundo gikan  sa ilang School Based Feeding Program.

Sa milabayng Enero 21, 2019 ang “BPS-KNK Universal Feeding Project” gisugdan sa usa ka “Simultaneous Launching” sa lima ka pampublikong mga eskwelahan nga mao ang Liboac Elementarty School (ES) sa Brgy. Elizalde, Maco nakauban ni Gov. Tyron Uy si School Governance and Operation Division (SGOD) Chief Dr. Ruben Reponte nga nangulo sa pagsugod paghatag og libreng paniudto sa tanang mga ES Pupils sa Eskwelahan.

Dungan sa Libuac ES gihimo sad ang Launching sa Mass Feeding diha sa Anagase ES sa Monkayo, Lono-lono ES sa Mawab, ug sa Laak diha Lorenzo Sarmiento ES ug sa Bayanihan ES.(Gilbert M. Cabahug, PAO-ID Comval)