Malasakit Center sa CVPH magsugod na

Compostela Valley Province—Diha sa upat ka mga Provincial Hospitals nga mao ang Compostela Valley Provincial Hospital (CVPH) Montevista, CVPH Pantukan, CVPH Maragusan, ug CVPH Laak magsgod na pag-operate ang Malasakit Center aron tabangan kadtong mga pasyenteng walay kapabilidad nga makabayad sa ilang Hospital Bills nga maoy unod sa Memorandum of Agreement (MOA) nga gipirmahan nila ni Gov. Jayvee Tyron Uy ug President Rodrigo Duterte pinaagi ni Executive Secretary Salvador C. Medialdea.

Pipila kaadlaw human na pirmahan ni Gov. Tyron Uy ang MOA miabot dayon sa probinsiya ang P8 Milyones nga pundo para sa unang usa kabulang pag-operate sa Malasakit Centers sa CVPH Montevista-P4 Milyones, sa CVPH Pantukan-P2 Milyones, sa CVPH Laak-P1M, ug CVPH Maragusan-P1M.

Segon sa gipirmahang MOA ang Office of the President mohatag sa Comval Province og P8 Milyones kada bulan nga gamiton pagtabang sa kabus nga mga pasyente nga ma libre sa ilang mga bayronon sa Hospital.

Ang maong pundo gidawat nila Assistant Provincial Administrator Placido Alcomendras Jr., PSWDO Chief Josephine Frasco, PTO Chief Nora Cagas, ug Executive Assistant for Health Dr. John Edward Coloma gikan sa mga sakop ni Presidential Daughter Mayor Inday Sarah Duterte nga maoy naghatud sa tseke diha sa opisina ni Gov. Tyron Uy niadtong milabayng Marso 28,2019.(Gilbert M. Cabahug PAO-ID Comval)