LGU Maco ang Champion sa “Las Fiestas De Oro”

The contenders from Municipality of Maco, who represented their municipality’s “Kaimonan Festival” were hailed the winners for the Las Fiestas de Oro, on March 3, 2019 followed by the participants from Municipality of Maragusan, who represented the “Pyagsawitan Festival”, and Montevista, representing the “Diwanag Festival”, winning 1st and 2nd runner up, respectively. (Provincial Photo)

Compostela Valley Province—-Ang Local Government Unit (LGU) sa Maco maoy nahimong “Champion” sa “Las Fiestas De Oro” nga contest sa mga LGU paglingaw sa mga katawhang Comvaleño pinaagi sa usa ka Stage Play kon pagpasundayag diha sa entablado sa labing dakong selebrasyon sa lungsod  panahon sa LGU Night,nga apil sa mga labing mahinungdanong kalihokan sa 12th Bulawan Festival ug 21st Founding Anniversary sa Compostela Valley niadtong Marso 3.

Sunod sa Maco ang LGU Maragusan  nga 1st Runner Winner sa Winning Entry nga  “Piyagsawitan Festival, ug ang Montevista nga maoy 2nd Runner Up Winner diin ilang Winning Entry ang “Diwanag Festival”. Entry sa LGU Maco ang “Kaimonan Festival” nga gihatagan sa mga hurado sa pinakataas nga puntos sa Performance Quality, sa Production Design, ug sa LCE/SB Participation.

Ang ubang mga mananaog naglangkob sa Nabunturan sa ilang “Simbalay Festival”, Mabini sa ilang “Dapugan Festival”, Mawab sa “Pagsandugan Festival”, New Bataan sa “Sal’ Lupongan Festival”, Compostela sa “Buganihan Festival”, Pantukan sa “Pasaka Festival”, ug Laak sa ”Imunan Cum-Fruit Festival”.

Dugang paglingaw ang entertainment number sa usa sa pinaka iladong artista sa nasud nga si Bela Padilla nga gisugat sa naglanog-lanong nga mga pakpak, hugyaw, ug siyagit  sa gikilig nga mga fans. Si Bela Padilla maoy mipuli pagdalit sa mga katawhan sa talagsaong paglingaw pinaagi sa nindot niyang mga sayaw og awit nga gidugok ug gitapokan sa daghang mga fans nga sa tomang kalipay nanghugyaw ug nag-ilogay sa pagpahulagway uban kaniya nga nahitabo sugod alas 10:00 sa gabii niadtong Marso 3,2019.

Sayo sa buntag niadtong Dominggo gisugdan ang Opening Day sa “12th Bulawan Festival” ug “21st Founding Anniversary”  sa  “Bulawan 2019 Prosperity Run” nga gipanguluhan ni Gov. Jayvee Tyron Uy ug mga kauban nga sila Cong. Maricar Zamora, Senior Board Member Arturo “Chiongkee” Uy ug LMP President Mayor Roberto Yugo sa Pantukan.

Apan una niini ang Zumba Dance nga gihimo samtang nag abot-abot ang mga partisipante nga gisundan sa Opening Program  diin kabahin ang Prosperity Dance/Dragon Dance ug ang Official Declaration ni Gov. Tyron Uy sa Opening of the 12th Bulawan Festival and 21st Founding Anniversary sa Compostela Valley.

Samtang, pagkagabii ang LGU Night: Las Fiestas De Oro nga gihimo dungan sa “Bulawan Festival Queen Pre Pageant-Opening Salvo” nga naglangkob sa pagpasundayag sa mga  kandidata in Festival Costume, Self Introduction of Candidates, Talent Competition of Candidates, Etno Fusion Segment, ug ang Announcement of Top 3 Contenders for Best in Talent and Best in Festival Costume Awards. (Gilbert M. Cabahug PAO-ID Comval)