Katawhang Comvaleño nga gusto matabangan sa libreng serbisyo sa mga abogado nag-pila sa Comval Capitol

Compostela Valley Province–-Nagdasok gikan sa 4th Floor pakanaog lukop ang palibot sa Vice Governors’ Office sa 3rd Floor sa kapitolyo ang pila sa mga katawhang Comvaleño nga gusto mo-avail sa libreng mga serbisyong Legal gikan sa  banggiitang mga abogado nga sakop sa “Integrated Bar of the Philippines (IBP) Davao Del Norte and Compostela Valley Chapter” nga mipartisipar sa “3rd Provincial Free Legal Aid Service Day” nga nahitabo niadtong Marso 4, 2019 atol sa usa ka semanang  selebrasyon sa “12th Bulawan Festival” ug “21st Founding Anniversary” sa Compostela Valley.

Apil sa mga serbisyo sa abogado nga gihatag sa mga katawhan nga libre ang bahin sa giatubang nila nga mga Criminal ug Civil Cases, VAWC ug Marital Abuses, Annulment of Marriage, ug Claim of Support. Dugang mga serbisyo ang Correction sa Birth Certificate Errors ug Birth Late Registration, Labor Cases kon kaso sa panarbaho, Land Titles and Deeds, Adoption Cases, ug uban pang mga Legal Concerns.

Sa paghatag sa mga serbisyong legal nga libre nakauban nila ni Provincial Legal Aid Service Day Event Coordinator Board Member Atty.  Marie Jude Lopoz ug PLO Chief Atty. Neil John A. Albarico ang laing 17 pa ka mga Volunteer Lawyers paghatag sa mga katawhan sa libre kon way bayad nga mga serbisyong Legal nga sila IBP Davnor-Comval President Atty. Maria Lina F. Baura, Atty. James Ian A. Generale, Atty. Mary Justice Aurelio-Yap, ug Atty. Carlo Ancla.

Kauban sad nila paghatag sa libre nga mga serbisyong Legal sila Atty. Lourdes Angelie O. Edig, Atty. Randolf F. Alonzo, Atty. Dennis Bohol, Atty. Marilda J. Boja, Atty. Mar Bianca F. Cualing-Brua, Atty. Emman Rey F. Dapaing, Atty. Gerald B. Racho, Atty. Anthony Yap, Atty. George Rapista, Atty. Mejos, ug si DavNor-Comval Registry of Deeds Chief Atty. John Paul Devilleres nga nagtutok niadtong mga kliyente nga adunay problema bahin sa yuta.

Matud ni BM Lopoz nga Parte sa “One Comval, One Vision Development Trust” nga gipakusog  sa tibuok Comval ni Gov. Jayvee Tyron Uy ug mga SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy   ang pagpakigpartner sa maayong laki nga mga abogadong sakop sa IBP DavNor ug Comval aron ang mga katawhang Comvaleño nga nagkinahanglan sa nagkadaiyang mga serbisyo sa abogado mahatagan niini nga libre ug walay bayad.(Gilbert M. Cabahug PAO-ID Comval)