Kapin 11,000 ang milapil sa “Bulawan 2019 Prosperity Run”

Compostela Valley Province–-Opisyal nga gisugdan ang “12th Bulawan Festival” ug “21st  Founding Anniversary” sa probinsiya sa Compostela Valley pinaagi sa “Bulawan 2019 Prosperity Run” nga giapilan sa kapin 11,000 Runners, ug kauban ni Gov. Jayvee Tyron Uy nga nangulo niini sila Cong. Maricar Zamora, Senior Board Member Arturo “Chiongkee” Uy ug LMP President Mayor Roberto Yugo sa Pantukan.

sa Marso 3, 2019 ang opening Day sa 12th Bulawan Festival nga gisugdan sa  “Prosperity Run” human sa Opening Message ni Gov. Uy, sa iyang Official Declaration of the Opening sa 12th Bulawan Festival ug 21st Founding Anniversary, ug sa Dragon Dance/Prosperity Dance.

Gisugdan ang lumba-dagan sa usa ka Executive Run alas 5:50 sa buntag niadtong Marso 3, 2019 nga gipanguluhan ni Gov. Uy ug mga kauban nga sila Senior Board Member Arturo “Chiongkee” Uy, BM Joseph Jaoud, LMP Chair Mayor Roberto Yugo sa Pantukan, BM Nena Atamosa, BM Dr. Renato Basañez, DILG PD Noel Duarte, BM Charlemagne Bautista, Mayor Lema Bolo sa Compostela, ug CSC Provincial Director Vicente Luna.

Human sa Executive Run gipagawas sad dayon ni Fun Run Action Officer BM Raul Timogtimog ang Go Signal para sa kategoryang 5K kon lumba-dagan para sa lima ka kilometrong gilay-on, ug human niini ang Go Signal para sa kategoryang 3K kon lumba-dagan para sa 3 ka kilometrong gilay-on nga iyang gipagawas sa alas 5:53 sa buntag.

Gisulti mismo ni Fun Run Event Manager Assistant SP Secretrary Ivan Kleb Ulgasan ngadto nila Gov. Uy, Bulawan Festival Action Officer Madam Sholai Lim ug Provincial Administrator Virgilia S. Allones panahon sa Executive Committee (ExeCom) Meeting diha sa kapitolyo niadtong milabayng Peb. 20,2019 ang kapin 10,000 na nga gidaghanon sa Registered Runners.

Samtang giklaro ni Fun Run Head Secretariat Lois Frances Zamora ang 10,881 natala sa Official List apan sa actual mas midaghan pa kini tungod sa daghang miapil nga wala na magsul-ob sa Prosperity Run Jersey.(Gilbert M. Cabahug, IDS-Comval)