Kababayen-an gipanguluhan ang Clean-up Drive sa kapitolyo

Compostela Valley Province—Gipanguluhan nila Provincial Women Development Council (PWDC) Chair Madam Sholai Lim ang Bulawan Festival 2019 Action Officer ug Local Lady Legislators’ League (4L) Comval Chapter President Board Member (BM) Vivencia Secuya ang pinakalit nga Clean-up Drive sa kapitolyo nga parte sa preparasyon sa probinsiya sa nagsingabot nga selebrasyon sa 12th Bulawan Festival ug 21st Founding Anniversary sa Compostela Valley.

Alas 7:00 sa buntag sa Pebrero 28, 2019 gisugdan ang pagpanghinlo sa “Comval Capitol Ground and Buildings” ug miapil niini ang PNP Women ug mga Pulis; ang AFP Women ug mga kasundalohan; ang Presidente og mga dagkong opisyal sa Municipal Council of Women (MCOW) sa 11 ka mga lungsod; ang mga sakop ug opisyales sa Lady Local legislators’ League (4L) Comval Chapter sa pagpanguna ni 4L Comval Chapter President BM Secuya;  ug uban pang Women Sectors sama sa Women DepEd Professionals, Women Farmers, Muslim Women, IP Women, Rural Improvement Club, ug Comval Ladies Club nga gipanguluhan ni PWDC Chair Madam Sholai.

Pinaagi sa Executive Order (E.O.) No. 049-2018 nga gipagula ni Gov. Jayvee Tyron Uy niadtong Nobyembre 27,2018 opisyal nga gitudlo sa Gobernador si Sholai Lim nga Bulawan Festival 2019 Action Officer, ug parte sa kamandoan ang pagtudlo sad kang Provincial Administrator (PA) Virgilia S. Allones nga iyang bise.

Segun sa gipagulang E.O. ang kinatibuk-ang kalihokan sa 12th Bulawan Festival ug 21st Founding Anniversary dumalahon sa Executive Committee nga panguluhan nila BUlawan Festival 2019 Executive Committee Chair Gov. Uy ug iyang Vice Chair Person nga si Vice Gov. Manuel “Way Kurat” Zamora. Samtang miyembro sa Executive Committee ang tanang SP Members, Municipal Mayors, ug mga kongresista nga sila Cong. Maricar Zamora ug Cong. Atty. Ruwell Peter Gonzaga.(Gilbert M. Cabahug, IDS-Comval)

 

Gipanguluhan nila Provincial Women Development Council (PWDC) Chair Madam Sholai Lim ang natudlong Bulawan Festival 2019 Action Officer ug Local Lady Legislators’ League (4L) Comval Chapter President Board Member (BM) Vivencia Secuya ang pinakalit nga Clean-up Drive sa kapitolyo nga parte sa preparasyon sa probinsiya sa nagsingabot nga selebrasyon sa 12th Bulawan Festival ug 21st Founding Anniversary sa Compostela Valley sayo sa buntag niadtong Pebrero 28, 2019. (J. Mamayabay, ID Comval)