349 ka mga estudyante gipailalom sa CVSP Panel Interview

Compostela Valley Province—-Gipailalom sa panel interview sa “Compostela Valley Scholarship Program (CVSP)” ang 349 ka mga Estudyante sa High School gikan sa 11 ka mga lungsod nga mipasar sa CVSP Written Exam sa milabayng Oktobre 2018 aron pillion ang 175 bag-ong Batch sa mga Eskolar sa probinsiya para sa School Year (SY) 2019-2020.

Sa milabayng Oktobre 2018 adunay 1,853 ka mga CVSP Applicants nga mipailalom sa Written Exam gikan sa Compostela -264, sa Laak-216, sa Maco-216, sa Maragusan-221, sa Mawab-108, sa Monkayo-207, sa Motevista-122, sa Nabunturan-184, sa New Bataan-102, sa Pantukan-149, ug sa Mabini nga dunay 63 ka mga CVSP Applicants.

Gikan kanila ang 149 kinatibuk-ang ihap sa mga mipasar diin para sa Baccalaureate Regular IP ang 59 ug non-IP ang 259 nga maoy labing daghan. Way labot sa ihap ang mamahimong eskolar nga moeskwela sa Technical Vocational Education Training (TVET).

Matud ni  CVSP Provincial Coordinator Janice Clarion nga tungod naaprobahan na sa Comval SP sa pagpanguna nila ni Vice Gov. Manuel “Way kurat” Zamora ug Senior Board Member Arturo “Chiongkee” Uy ang proposal nga giduso ni Gov. Jayvee Tyron Uy mas malipay gyod karon ang mamahimong Scholar ubos sa CVSP  tungod mas dako na gyod ang benepisyo nga ihatag kanila sa probinsiya.

Gisulti sad niya nga ubos sa bag-ong CVSP nga naaprobahan sa Comval SP bag-o lang gipatas-an ang benepisyo sa mga Scholars sa probinsiya sugod sa  School Year (SY) 2018-2019 nga diin mamahimo nang  P15,000.00 matag semester ang para sa TVET ug Baccalaureate Regular Courses para niadtong mag-eskwela sa mga pribadong eskwelahan, ug P10,000.00 matag semester nga allowance ang ihatag sa probinsiya para niadtong diha magtungha sa State Colleges and Universities nga karon libre na ilalom sa RA 10931.

Samtang, P25,000.00 matag semester ang para sa Baccalaureate Prioritized Courses nga diha magtungha sa mga pribadong Eskwelahan ug P20,000.00 Stipend ang ihatag sad sa probinsiya sa mga estudyante nga diha mag-eskwela sa State Colleges and Universities nga libre ilalom sa RA10931. (Gilbert M. Cabahug, ID-Comval)