Laing 62 Former Rebels nakadawat sa ilang P65,000.00 Cash Assistance

Compostela Valley Province—Laing 62 na sad  ka mga Former Rebels (FRs) sa Comval Province ang nakadawat bag-o lang sa ilang Enhance Comprehensive Local Integration Program (E-CLIP) Assistance nga gihatag kanila sa gobyerno pinaagi sa Task Force Balik Loob nga gimugna ni Pangulong Rodrigo Roa Duterte (PRRD) ilalom sa Administrative Order (AO) No. 10 nga iyang gipagula niadtong Abril 3, 2018.

Tag P65,000.00 ang kada usa ang ilang nadawat isip immediate cash assistance ug livelihood assistance ang nadawat gikan ni Gov. Jayvee Tyron Uy ug mga kauban nga sila 10th ID Commander MGen Jose C Faustino, 1001st Brigade Commander Gilbert F Saret, ug DILG Region XI Dir. Alex Roldan pinaagi ni DILG Provincial Director Noel Duarte atol sa gihimong “2nd Turnover of E-CLIP Assistance” diha sa Comval Capitol niadtong Pebrero 19,2019.

Si Duarte maoy mihatag sa Rationale sa kalihokan, ug matud pa niya nga sa pagkakaron naa na sa kapin 200 ang gidaghanon sa mga Former Rebels sa Comval kon kanhi mga sakop sa Rebeldeng NPA nga mibalik na sa sabakan sa gobyerno sa rason nga gusto na nilang magpuyong malinawon kauban ang ilang tagsa-tagsa ka pamilya.

Sulti sad niya nga sugod sa 2016 ang probinsiya nanghatag na ug Cash Assistance ngadto sa mga Former Rebels ilalom sa Comprehensive Local Integration Program (CLIP) nga karon ang ilang ihap nadugangan sa kapin 120 nga nakadawat sa mas dakong benepisyo ilalom sa Enhance-CLIP (E-CLIP).

Unang nahatagan sa E-CLIP ang 64 ka mga FRs niadtong Septyembre 27, 2018 diin nakauban nila ni Gov. Tyron Uy ug Vice Gov. Manuel “Way Kurat” Zamora sa pagtunol sa tag P65,000.00 nga Cash Assistance si DND USec. Reynaldo B Mapagu ug mga kauban nga sila EastMinCom Commander Lt. General Benjamin R Madrigal, 10th ID Commander MGen Noel S. Clement, MGen Rene Glen O Paje, ug 1001st Brigade Commander BGen Gilbert F Saret. (Gilbert M. Cabahug, PAO-ID Comval)

Laing 62 na sad  ka mga Former Rebels (FRs) sa Comval Province ang nakadawat bag-o lang sa ilang Enhance Comprehensive Local Integration Program (E-CLIP) Assistance nga gihatag kanila sa gobyerno nga gitunol nila ni Gov. Jayvee Tyron Uy ug mga kauban nga sila 10th ID Commander MGen Jose C Faustino, 1001st Brigade Commander Gilbert F Saret, ug DILG Region XI Dir. Alex Roldan pinaagi ni DILG Provincial Director Noel Duarte atol sa gihimong “2nd Turnover of E-CLIP Assistance” diha sa Comval Capitol niadtong Pebrero 19,2019. (Comval Provincial Photo)