/widgets.js";var sz=d.getElementsByTagName(s)[0];sz.parentNode.insertBefore(z,sz)}(document,"script","zb-embed-code"));

Gov. Tyron Uy ang bag-ong Chairman sa “BSP Eastern Mindanao Region (EMR)”

Compostela Valley Province—-Si Comval Governor Jayvee Tyron Uy mao na karon ang bag-ong Chairman sa Boy Scout of the Philippines (BSP) Eastern Mindanao Region (EMR), nga napili sa Regional Scouting Committee atol sa bag-o nahumang “Regional Scouting Committee Meeting and Election of Officers” niadtong Pebrero 15, 2019.

Iyang bise si Atty. Felimon Cimafranca nga napiling Regional Vice Chairman, Regional Treasurer si Mr. Dante Aznar, Regional Auditor si Mr. Wilfredo Grandeza, Regional Scout Commissioner si Dir. Allan Farnazo, ug Regional Scout Director si Mr. Jesus Meris.

Regional Commissioner’s Staff sa Scouting Year 2019-2020 sila Mr. Patricio Ultiano-Regional Training Commissioner, si Mr. Nestor  Borra Sr. – Deputy Training Commissioner, si Mrs. Fe Sepaya – Regional Program Commissioner, ug si Mrs. Erlinda Gambong – Deputy Program Commissioner.

Karong tuiga ang Comval Province maoy gipili sa “Eastern Mindanao Region  Scout Committee” nga host sa bag-o nahumang “Regional Scouting Committee Meeting”  nga giapilan sa halos tanang miyembro ug opisyal niini, ug apil sa mga labing mahinundanong nasabotan ang election kon pagbotohay sa bag-ong set of officers para sa “Scouting Year 2019-2020”.

Ang bag-o nahumang “Regional Scouting Committee Meeting and Election of Officers” diha himoa sa kapitolyo ug apil sa mga labing importanteng nahitabo ang pagpaminaw sa 2018 Regional Annual Report nga gipabati ni Regional Scout Director Jesus Meris, ang Presentation of Awards and Recognition sa mga “Performing Boy Scout Councils”, ug ang bahin sa nagsingabot nga pag-host sa Comval Province sa “EMR Jamboree” nga pagahimoon sa lungsod sa Compostela karong umaabot nga Agosto 7-11,2019. (Gilbert M. Cabahug, PAO-ID Comval Photo by A Dayao)