Nutri-bread kada adlaw gihatag sa kapin 7,700 Elem. School Pupils sa Comval

Compostela Valley Province–-Dugang sa libreng paniudto, gihatagan sad og Nutri-bread kada adlaw sulod sa 60 Feeding Days ang kapin kon kulang 7,700 Elementary School pupils sa tibuok Comval Province nga nakabenepisyo sa 2nd Roll-out sa “Bayanihan Para sa Kalusugan-Kusina ng Kalinga (BPSK-KNK) Program” nga gipakusog sa Comval ni Gov. Jayvee Tyron Uy ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy.

Sulti ni BPSK-KNK Provincial Focal person Mark Tenio nga dungan sa Simultaneous Launching  sa Universal Feeding Project sa BPSK-KNK diha sa lima ka pampublikong mga eskwelahan sa elementarya niadtong Enero 21,2019 nga gipanguluhan ni Gov. Uy, ang pagsugod sad niya paghatag sa lami kaayong Nutri-bread sa mga estudyanteng “Wasted and Severely Wasted” ang ilang Nutritional Status”.

Gipaneguro sa probinsiya matud pa ang talagsaong kalami sa gipanghatag nga nutri-bread kada adlaw nga sangkap sa gatas, itlog, ug malunggay subay ang timplada sa Bern’s Bake Shoppe sa Maco nga maoy nagtudlo sa mga baker sa matag-munisipyo kinsa regular nga naga-supply niini sa probinsiya.

Sa pagkakaron aduna nay 5,864 kompirmadong naulian kon normal na ang Nutritional Status gikan sa 7,742 ka mga Wasted and Severely Wasted nga nakabenepisyo sa 2nd Roll-out sa “BPSK-KNK Program” human makompleto ang 80 Feeding Days nga paghatag sa gobyerno kanila kada adlaw sa libreng paniudto sa mga pagkaong masustansiya ug puno sa bitamina.

Constant partner sa probinsiya niining programaha ang Comval DepEd nga naghtag sa probinsiya ug dakong kantidad sa salapi gikan sa ilang School Based Feeding Program aron maatiman ang mga kabataan.(Gilbert M. Cabahug, PAO-ID Comval)