1,039 Reformed Voluntary Surrenderers gipailalom sa After Care Program sa Comval

Compostela Valley Province–-Gikan sa 3,684 ka mga Drug Dependents sa Comval nga gipailalom sa kapin kon kulang tulo ka bulang Drug Rehabilitation Sessions ilalom sa “OPLAN Liwanag” ang 1,039 Reformed Voluntary Surrenderers (RVS) nga nakabenepisyo sa After Care Program ni Gov. Jayvee Tyron Uy ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo.”Chiongkee” Uy.

Aron mapaneguro nga dili na mahibalik sa pagkagumon sa ginadiling druga kadtong mga naulian na human ang libreng “Community Rehabilitation Sessions” ang probinsiya kauban ang mga munisipyo ug National Line Agencies nagpatuman sa After Care Program aron padayon silang maatiman sa gobyerno pinaagi sa libreng Integration Sessions, libreng Skills Training, Training sa Livelihood, ug Training sa Disaster Risk Reduction and Management (DRRM) nga maghimo kanilang mas Responsible diha sa Community.

Parte sa nahaunang mga paningkamot aron mahibalik sa normalidad ang kahimtang sa panglawas kadtong mga Drug Dependents sa Comval nga boluntaryong misurrender sa gobyerno, ang pagpailalom kanila sa libreng Rehabilitation Sessions ubos sa “Oplan Liwanag: Community Based Transformative Intervention Program for Voluntary Surrenderers for Reform” nga gidumala sa “Provincial Anti-Drug Abuse Council (PADAC)” ilalom sa Executive Order(EO) No. 064-2016 nga iyang gipagula niadtong Agusto 2,2016.

Nanukad ang nagsunod-sunod nga Drug Rehabilitation Sessions diha sa Brgy. Banlag, Monkayo nga napiling “Pilot Barangay” sa “OPLAN Liwanag”, ug kini gisugdan sa gihimong “Kick-off Ceremony” niadtong Nobyembre 5, 2016 nga gipanguluhan nila ni Mayor Ramil Gentugaya nga maoy mihatag sa Inspiration Message ug ni Gov. Tyron Uy pinaagi ni PSD-VRP Action Officer Mario Angelo Sotto nga maoy nagpasabot sa Rationale sa kalihokan. (Gilbert M. Cabahug, PAO-ID Comval)