/widgets.js";var sz=d.getElementsByTagName(s)[0];sz.parentNode.insertBefore(z,sz)}(document,"script","zb-embed-code"));

Cash Awards gihatag sa “7 Barangays with Sustained Best Sanitation Practices”

Compostela Valley Province – Certificate of Recognitions ug cash prizes ang gihatag ni Gov. Jayvee Tyron Uy ug SP Members sa pagpanguna nila ni Vice Gov. Manuel “Way kurat” Zamora ug Senior Board Member Arturo “Chiongkee” Uy ngadto sa kada usa sa “7 Barangays with sustained Best Sanitation Practices” sa tuig 2018.

Ang awarding ceremony nahitabo diha sa kapitolyo niadtong Desyembre 17, 2018, diin opisyal nga gipahibalo sa PHO ang pito ka mga Barangay nga Regional ug National Awardees sa “Best Barangay with Best Sanitation Practices” sa milabayng mga tuig nga sa 2018 ilang na sustain ang taas nga puntos sa upat ka mga criteria nga Zero Open Defecation, Household With Sanitary Toilet, Household With Access to Safe Water, ug Reduction in Sanitation Related Diseases.

Para sa tuig 2018 gideklarang “Barangay with Sustained Best Sanitation Practices” ang Brgy.Tamia, Compostela nga Regional Winner sa 2017; ang Brgy. New Calape, Montevista nga National Winner sa 2015; ang Brgy. Cabinuangan, New Bataan nga National Winner sa 2014; ang Brgy. Olaycon Monkayo nga National Winner sa 2011; ang Brgy. Inambatan, Monkayo nga National Winner sa 2010; ang Brgy. Langgam, Maco nga Regional Winner sa 2008; ug ang Brgy. Bantacan, New Bataan nga Regional Winner sa 2012.

Dugang sa Certificate of Recognitions ang P14,400.00 cash awards nga gihatag ni Gov. Tyron Uy pinaagi nila ni PHO Chief Dr. Antonio P. Ybiernas Jr., Assistant Provincial Administrator Placido Alcomendras Jr., ug Assistant Provincial Administrator Fernando Juab nga maoy nagtunol niini ngadto sa kada Barangay.

Nahatagan sad og award niadtong adlawa ang tulo ka mga Municipal Sanitary Inspectors nga sila Ofelia Tan sa Maco, Charlita  Alderite sa Monkayo, ug Luz Guibone sa Maragusan nga giilang “Best Sanitation Inspectors” sa 2018. (Gilbert M. Cabahug, ID Comval)