Gov. Tyron Uy gipirmahan ang “Deed of Usufruct” para sa tukorong “Provincial Information Center” sa Comval

Compostela Valley Province–-Opisyal na nga gipirmahan nila ni  Gov. Jayvee Tyron Uy ug

(PIA) Dir. Gen. Harold Clavite ang “Deed of Usufruct” pabor sa “Philippine Information Agency (PIA)”, aron tukoron diha sa Comval Capitol sa Nabunturan ang “Provincial Information Center” nga maoy adtoan sa mga katawhan nga gusto masayod sa mga mahinungdanong serbisyo nga ginahatag sa gobyerno ngadto sa mga katawhang Pilipino.

Ang pag pirmahay nahitabo niadtong Nobyembre 29,2018 sulod sa Habi at Kape sa Abreeza Mall sa Davao City atol sa “Kultura Mindanao Finale Launch” nga gipasiugdahan sa PIA, sa National Culture and the Arts (NCCA), ug sa mga sakop ni Davao City Mayor Inday Sara Duterte.

Apan sa wala pa ang pagpirmahay adunay Press Conference nga gipasiugdahan sa PIA Regional Office XI kauban sila PIA DG Clavite, NCCA Executive Director Rico S. Pableo Jr., Ariel Montaña sa NCIP, ug uban pa nga maoy nanubag sa mga pangutana sa mga Media Partners.

Ang pagatukorong “Provincial Information Center” matud ni DG Claviite magpasayon sa mga katawhan nga makakuha sa mga mahinungdanong impormasyon mahitungod sa nagkadaiyang mga serbisyo sa gobyerno nga mamahimong available sa usa lang ka lokasyon sa paaging  “One Stop Shop”.

Sulti sad niya nga ang PIA is a very small agency with a huge reach, ug sa pagkakaron aduna ray 185 ka mga Information Officers sa tibuok Pilipinas nga nagatrabaho apan nahimong very effective in the performance sa ilang tasks and functions tungod sa pagpakig-partner sa mga Local Government Units (LGUs).

Segon sa gipirmahang Deed of Usufruct ang PIA gitugotan nga gamiton ang 1,270 Square Meters portion sa yuta nga iya sa probinsiya aron tukoran sa PIA og usa ka Government Building nga himoong Media Center sa Comval Province. Mogamit niini ang mga trabahante sa Provincial Information Office sa Comval ug ang mga opisyal ug trabahante sa PIA. (Gilbert M. Cabahug, IDS-Comval)