/widgets.js";var sz=d.getElementsByTagName(s)[0];sz.parentNode.insertBefore(z,sz)}(document,"script","zb-embed-code"));

Bishop Medel Aseo Guest Speaker sa Provincial Thanksgiving Day

Compostela Valley Province–-Si Bishop Medel Aseo sa Diocese of Tagum maoy pinasidunggang mamumulong sa “Provincial Thanks Giving Day” sa Compostela Valley.

Kini maoy sulti ni Executive Assistant Gigi Guzman atol sa Executive Committee Meeting (ExeCom) nga gidumala ni Gov. Jayvee Tyron Uy diha sa Social Hall sa kapitolyo niadtong Nobyembre 27, 2018.

Karong tuiga ang ComVal Province subling magsaulog sa Provincial Thanksgiving Day sa Desyembre 8, 2018 ang adlaw diin gisaulog sa Simbahang  Romano Katoliko ang kapistahan sa Immaculate Concepcion of Mary.

Sa maong selebrasyon panguluhan mismo ni Provincial Spiritual Development and Values Restoration Program (PSD-VRP) Council Chair Gov.  Uy ang kapin kon kulang 3,000 ka mga Religious Leaders, School Administrators/Principals, Brgy. Officials, mga pulis, kasundalohan, ug ang mga dagkong opisyal sa nagkaiyang opisina sa Nasyonal nga gobyerno nga magtapok aron subling himoon ang usa ka Interfaith Fellowship nga mao ang paghalad sa hiniusang mga pag-ampo, mga pangaliya, ug pasalamat ngadto sa labawng makagagahom tungod sa mga grasya ug kaayohan nga iyang gibubo sa mga katawhang Comvaleño sa tibuok tuig 2018.

Samtang, gi esplikar ni PSD-VRP Action Officer Executive Assistant IV Mario Angelo Sotto nga sentrong kalihokan sa Provincial Thanksgiving Day Celebration karong tuiga ang Evangelism mao nga ang panagtapok pagasugdan sa usa ka Stage Play nga nag-uluhan og “Road to Damascus” aron matan-awan ang Conversion ni St. Paul human sa iyang Personal Encounter ngadto sa atong Ginoong Hesu-Cristo nga maoy nagtawag kaniya alang sa opisyal nga buluhaton nga gisalig kaniya sa atong labawng makagagahom.

Si Aseo maoy gitudlo ni Pope Francis nga bag-ong Obispo sa Diocese of Tagum diin sakop niini ang mga parokya sa Davao del Norte ug Compostela Valley. Ang iyang appointment gipahibalo mismo sa Vatican atol sa ika-39 selebrasyon sa iyang Priesthood niadtong Abril 7, 2018.  Matud sa Vatican nga si Bishop Aseo nahimong misyonero sa Saint Mary Parish sa Pennsylvania USA sugod 2017, ug siya magselebrar sa iyang 64th  Birth Day sa Hunyo 2018.

Siya naordinahan pagkapari niadtong 1979 ug apil sa mga parokya nga iyang naserbisyohan human sa iyang ordinasyon ang mga parokya sa Panabo City, Tagum City, ug Tagaytay.

Si Aseo maoy mihulip kang Bishop Wilfredo Manlapaz human kini miretero pagka-obispo sa Diocese of Tagum sa Edad nga 77 anyos. (Gilbert M. Cabahug, IDS-Comval)