SA Comval gipangayo ang “6 Months Extension of Martial Law sa Mindanao”

Compostela Valley Province–-Tungod sa kusog nga paghinay sa kriminalidad sa probinsiya ug tungod sa padayong pag-reduce sa gidaghanon sa mga rebeldeng NPA nga maoy resulta sa nagkadaghang ihap niadtong mga nag-surrender na sa gobyerno, gipangayo karon sa Comval Province ang “6 Months Extension of Martial Law in Mindanao” nga apil sa mga labing importanteng nasabotan sa bag-o nahumang “Provincial Peace and Order Council (PPOC) Meeting nga gidumala nila ni RPOC Chair LTC Gov. Jayvee Tyron Uy, PPOC Vice Chair Vice Gov. Manuel “Way Kurat” Zamora, ug DILG Provincial Director Noel Duarte.

Ang ilang Meeting nahitabo diha sa Social Hall sa kapitolyo niadtong Nobyembre 26,2018 nga gitambongan sad nila PNP PD PSSupt. Eric G Dampal; LMP Chair Mayor Roberto Yugo sa Pantukan; Mayor Reynaldo Dayanghirang sa Mabini; Mayor Ruperto Gonzaga sa Mawab; EA Mario Angelo Sotto; BM Joseph Jaoud; 1001st Brigade Commander Col Gilbert F Saret; 701st Brigade Commander Col Manuel V Sequitin ug mga Field Commanders sa Militar  nga sila LTC Davice Christopher G Mercado sa 72nd IB, LTC Oscar Balignasay sa 25th IB, LTC Michael Licyayo sa 46th IB, LTC Gilbert Ombos sa 60th IB, LTC Palmer Parungao sa 66th IB, LTC Esteveyn Ducusin sa 71st IB, ug uban.

Parte sa Meeting ang paghatag ni Col Saret og Update sa Martial Law Implementation sa Mindanao diin sumala pa niya nga aduna gyod kiniy maayong epekto sa mga katawhan, ug gani atol sa iyang report daghan sad sa mga miyembro sa PPOC ang mihatag ug positibong mga komento sama sa kusog nga pagkunhod sa kriminalidad ug ang padayong pagdaghan sa ihap sa mga rebeldeng NPA nga mi-surrender rason  sa pagpasar sa PPOC Resolution nga naghangyo kang PRRD para sa “6 Months Extension of Martial in Mindanao”.

Apil sad sa mga labing importanteng butang nga gihisgotan atol sa bag-o nahumang PPOC Meeting ang “Peace and Order and Public Safety Updates” gikan sa mga kasundalohan, kapulisan, ug sa Bureau of Fire Protection.

Niadtong Mayo 22, 2017 gideklara ni Pang. Rodrigo Roa Duterte (PRRD) ang tibuok kapupud-an sa Mindanao nga under the “State of Martial Law” kon ubos sa Balaod Militar tungod sa  dakong hulga sa seguridad nga giatubang sa nasud  human ang nahitabong terroristic attack  nga gihimo sa ISIS Inspired Maute Group didto sa Marawi City. (Gilbert M. Cabahug, ID-Comval)