Gov. Tyron Uy mitambong sa “State Banquet” ni Chinese President Xi Jinping sa Malacañang

Compostela Valley Province–-Apil si Comval Governor Jayvee Tyron L. Uy sa mga labing importanteng personalidad nga giimbitar sa Malacañang aron motambong sa usa ka State Banquet ni Chinese President Xi Jinping nga gidalit sa palasyo bag-o lang, ug nakauban sa Gobernador pagtambong sa usa ka halandumong salu-salo si Davao City Mayor Inday Sara Duterte ug ang ubang Hugpong ng Pagbabago (HNP) Founding Members nga sila Davao Occidental Gov. Claude Bautista ug Gov. Nelson Dayanghirang sa Davao Oriental.

Ang 2-day state visit ni Chinese President Xi Jinping miresulta sa pagpirmahay sa 29 ka mga importanteng kasabotan nga magpailg-on sa maayong relasyon sa China ug Pilipinas, ug  usa niini ang oil and gas deal.

Nasulod sad sa 29 pacts nga gipirmahan nila PRRD sa Pilipinas ug President Xi Jinping sa Nasud China ang mga kasabotan sa trade and investment, banking and finance, infrastructure, agriculture, education, culture, and people-to-people exchanges nga magpromotar sa paghigalaay sa duha ka mga nasud.

“Got invited to the state banquet for Chinese President Xi Jinping today in Malacanang Palace, Manila. Together with me are other founding members of the HNP,” sulti ni Gov. Uy.

“With our strengthened ties with China, we look forward for more partnerships with them especially in the field of business, tourism, and investments. Here’s for more years of friendship with People’s Republic of China,” Matud ni Gov. Tyron Uy. (Gilbert M. Cabahug, PAO-ID Comval)