AFP lipay kay nag-reconcile na ang liboang mga trabahante sa SUMIFRU ug kanhi KMU Members

Compostela Valley Province–-Gikalipay og dako sa mga sundalo ang nahitabong rekonsilyasyon sa liboang mga trabahante sa SUMIFRU ug sa mga trabahante sa kompanya nga kanhi mga sakop sa Kilusang Mayo Uno (KMU) nga karon mi-surrender na sa Gobyerno ug nanaad sa hingpit nga pagbiya sa grupong KMU.

Sulti kini mismo ni 10th ID Spokesperson Capt. Jerry Lamusao ngadto kang Michael Uy sa Philippine Information Agency (PIA) Regional Office XI atol sa Phone Patch inteview kaniya sa Aksyon Comval Radio Program diin matud pa niya nga dugang nakalipay sa militar ang padayong paghinay sa CPP-NPA Guerilla Fronts sa tibuok Davao Regiyon gani bag-o lang nag re-affirm sa ilang Oath of Allegiance ngadto sa gobyerno ang kapin kon kulang 6,000 ka mga Former Rebels.

Dakog nabuhat sa padayong paghinay sa kalihokan sa mga rebeldeng NPA matud pa niya ang paghatag sa gobyerno og dakong kaayohan sa mga Former Rebels ilalom sa Balik-Loob Program ni Pang. Rodrigo Duterte labi na nga gipadak-an ang mga kaayohan nga ilang madawat ilalom sa E-CLIP.

Bag-ohay lang sa Comval aduna na sad laing 24 ka mga FRs nga gihatagan ug pagahatagan sa ilang P65,000.00 Livelihood Assistance ug Immediate Assistance.

Niadtong Septyembre 27,2018 adunay 64 ka mga FRs nga gihatagan sa gobyerno sa ilang P65,000.00 nga Immediate Assistance ug Livelihood Assistance diha sa kapitolyo  atol sa usa ka adlawng“Turn-Over of E-CLIP Assistance to Compostela Valley Beneficiaries” diin nakauban nila ni Gov. Jayvee Tyron Uy ug Vice Gov. Manuel “Way Kurat” Zamora sa pagtunol sa ilang tagsa-tagsa ka tseke si DND USec. Reynaldo B Mapagu ug mga kauban nga sila EastMinCom Commander Lt. General Benjamin R Madrigal, 10th ID Commander MGen Noel S. Clement, MGen Rene Glen O Paje, ug 1001st Brigade Commander Gilbert F Saret. (Gilbert M. Cabahug, PAO-ID Comval)