Sa Comval: 2,757 malnourished ES Pupils naulian sa gihatag nga  libreng paniudto

Compostela Valley Province— 40 ka adlaw pa lang ang “2nd Kusina ng Kalinga Provincewide Implementation” apan aduna nay 2,757 ka mga malnourished ES Pupils nga kompirmadong naulian kon naa na sa normal status ang kahimtang sa ilang panglawas tungod sa libreng paniudto sa mga pagkaong masustansiya ug puno sa bitamina nga gihatag kanila sa probinsiya kada adlaw.

Kini base sa gipagulang update sa Comval DepEd pinaagi ni Division School Based Feeding Program Focal Person Ronald Allan J. Higgins nga maoy nagmonitor sa kasamtangang Nutritional Status sa 7,742 ka mga malnourished ES Pupils nga maoy nakabenepisyo sa 120 ka adlaw nga libreng paniudto nga ginahatag kanila sa gobyerno ilalom sa “Bayanihan Para sa Kalusugan-Kusina ng Kalinga (BPSK-KnK) Program” sa Comval Province.

Niadtong Hulyo 27,2018 gisugdan sa probinsiya ang “2nd KNK Provincewide Implementation” diha sa lungsod sa Laak pinaagi sa usa ka adlawng KNK Launching nga gipanguluhan ni Gov. Jayvee Tyron Uy pinaagi ni KNK Provincial Action Officer Senior Board Member Arturo “Chiongkee” Uy ug mga kauban nga sila Mayor “Antonio Ay-Eng” Libunangan, ug SDS Dr. Reynante Solitario pinaagi ni School Governance Operation Division (SGOD) Chief Dr. Ruben Reponte sa Comval DepEd.

Ang “Bayanihan Para sa Kalusugan-Kusina ng Kalinga (BPSK-KnK) Program” maoy usa sa tulo ka mga End Hunger Programs nga gipakusog sa Comval ni Gov. Tyron Uy ug SP Members sa pagpanguna nila ni Vice Gov. Manuel “Way Kurat” Zamora ug Kusina ng Kalinga Action officer Senior Board Member Arturo “Chiongkee” Uy nga gituyo pagmugna aron makab-ot ang gitinguhang “Zero Malnutrition Prevalence Rate” ang tibuok Comval Province.

Ubos niining programaha gikasabotan ang himoong pagtinabangay sa PLGU Comval, sa Comval DepEd, ug sa Gawad Kalinga Foundation sa paghatag og libreng paniudto sa mga ES Pupils sa tibuok Comval Province nga nailang “Wasted and Severely Wasted” ang ilang Nutritional Status nga maoy unod sa MOA nga gipirmahan nila ni Gov.  Tyron Uy,  SDS Dr. Reynante Solitario sa Comval DepEd, Kusina ng Kalinga Mindanao Coordinator Patrick Doromal sa Gawad Kalinga, ug Kusina ng Kalinga Action Officer Senior Board Member Arturo “Chiongkee” Uy sa nakalabayng Agusto 22,2016.

“While there is a Child in this Province that Suffers from Hunger, the Fight is not yet over; our vision will never be complete. We will not stop until we rescue the last child from the bondage of hunger, poverty and under nutrition. Mula noon, hanggang ngayon, walang iwanan.” Matud ni Gov. Tyron Uy. (Gilbert M. Cabahug, PAO-ID Comval)