PLGU Comval kuha ang “2018 Balikat ng Bayan Award”

Compostela Valley Province-— Apil gihapon ang PLGU Comval sa pipila lang ka mga Local Goverment Units (LGUs) sa nasud nga  gihatagan karon sa SSS sa “2018 Balikat ng Bayan Award” timaan sa ilang pag-ila ug pag rekognisar sa hugtanong  suporta sa probinsiya sa ilang “KaltaSS Collect Program” nga mao ang paghatag og Social Security Protection ngadto sa job Order ug Contractual nga mga empleyado sa gobyerno.

Ang mga dagkong opisyal mismo sa SSS nga sila SSS Tagum Branch Head Roselane B. Plaza, SSS Mindanao Group Acting SVP Emmanuel B. Palma, ug SSS SouthMin Div. Acting VP Rizalino C. De Leon maoy naghatag kang Gov. Jayvee Tyron Uy sa iyang  “2018 Balikat ng Bayan Award” niadtong Septyembre 28,2018 nga malipayong gidawat mismo ni Assistant Provincial Admimistrator Fernando Juab atol sa Awarding Ceremony nga malampusong gihimo diha sa Park Inn by Radison Hotel sa SM Lanang sa Davao City.

Ang labing ulahing report sa opisina ni PHRMDO Chief Lara Zaphire Kristy N. Bermejo nagtug-an sa mokabat 2,182 ka mga Job Order ug Contractual Worker nga mga empleyado sa Comval Capitol nga na miyembro na sa SSS ubos sa “KaltaSS Collect Program” nga maoy resulta sa gihimong partnership sa PLGU Comval ug sa SSS aron mahatagan gihapon sa Social Security Protection sila nga klase sa mga empleyado sa gobyerno nga wala nahatagan sa ilang Social Security Protection sa GSIS.

Ilalom matud pa sa “KaltaSS Collect Program” sa SSS, nga kadtong Job Order ug Contractual Worker nga mga empleyado sa Gobyerno tabangan sa LGU nga ma miyembro sa SSS ug ang pagbayad sa ilang binulan nga SSS Premiums kaltason na gikan sa ilang sweldo ug ang LGU na ang mohatud sa ilang bayad niini ngadto sa opisina sa SSS.

Sa PLGU Comval miabot na matud pa sa 2,182 ka mga Job Order ug Contractual Worker nga mga empleyado nga nahimo nang Miyembro sa SSS ilalom sa “KaltaSS Collect Program” nga apil sa pipila lang ka mga LGU sa nasud nga dunay pinakadaghang trabahante nga officilally enrolled sa SSS.

Panahon sa Regular Employees Convocation Program niadtong Lunes opisyal nga gipresentar nila AP Juab ug PHRMDO Chief Bermejo ang “2018 Balikat ng Bayan Award” ngadto kang Provincial Administrator Virgilia S. Allones nga maoy timaan sa dakong pag-ila ug pagrekognisar sa SSS sa dakong kontribusyon sa probinsiya sa paghatag sa mga tabahante sa Comval Capitol sa gikinahanglan nilang Social Security Protection.(Gilbert M. Cabahug, PAO-ID Comval)

Ang PLGU Compostela Valley usa sa pipila lang ka mga Local Goverment Units (LGUs) sa nasud nga  gihatagan karon sa SSS sa “2018 Balikat ng Bayan Award” timaan sa ilang pag-ila ug pag rekognisar sa hugtanong  suporta sa probinsiya sa ilang “KaltaSS Collect Program” nga mao ang paghatag og Social Security Protection ngadto sa job Order ug Contractual nga mga empleyado sa gobyerno. (ID COMVAL)