PLGU Comval gihatagan sa PhilHealth og “Most Compliant Employer” award

Compostela Valley Province— Ang PLGU Comval mao karon ang giilang “Most Compliant Employer” nga natiman-an sa Award nga gihatag sa PhilHealth kang Gov. Jayvee Tyron Uynga malipayong gidawat sa mga sakop ni PHRMDO Chief Lara Zaphire Kristy N. Bernmejo atol sa bag-o nahumang Awarding Rites.

Parte sa usa ka adlawng Employers’  Forum nga gipasiugdahan sa PhilHealth Regional Office XI niadtong Oktobre 4, 2018 ang pagrekognisar ug ang paghatag og dakong pasidungog sa nagkadaiyang mga opisina, establisimento ug uban pang mga buhatan sa gobyerno tungod sa ilang mga best practices diha sa paghatag ug social protection sa ilang mga empleyado labi na sa ilang panglawas diin gipaneguro niini ang fulfillment of the trust sa National Health Insurance Program sa nasud.

Atol sa paghatag ni Gov. Tyron Uy sa iyang “2nd State of the Nation Address” opisyal nga gipahibalo sa gobernador ang kapin 21 mil gidaghanon sa mga pasyenteng Comvaleño nga na libre kon way nabayrang Hospital Bills sulod lang sa usa ka tuig diha sa upat ka mga Provincial Hospitals sa rason nga sila kabus ug lisud ang kahimtang sa ilang pamuyo.

4,681 kanila na libre ubos sa Charity Program sa probinsiya. Samtang, ang 16,712 matud pa niya nga na libre ubos sa No Balance Billing Policy (NBB) nga diin ilalom niini kadtong pasyenteng kabus nga enrolled sa Government Sposored PhilHealth libre na kon way mabayrang Hospital Bills tungod ang probinsya na maoy moabaga sa excess nilang bayronon.

“Plaque of Recognition is presented to Provincial Government of Compostela Valley (Extra Large Employer Category) for being the top remitting and most compliant, in terms of remittances and reporting. Your persistent efforts have not only ensured the protection of your employees and their dependents but also have significantly contributed to the fulfillment of the thrusts of the National Health Insurance Program,” matud sa PhilHealth(Gilbert M. Cabahug, PAO-ID Comval)