Gov. Tyron Uy: “Davao Regional Peace Security and Development Plan” mugnaon

Compostela Valley Province— Plano karon sa Davao Region ang pagmugna sa “Davao Regional Peace Security and Development Plan”, ug gipasabot ni RPOC Chair Gov. Jayvee Tyron Uy sa iyang pagsulti niini ang dako niyang tinguha nga mapakusog ug mas mapalig-on ang relasyon sa Regional Development Council (RDC) ug sa Regional Peace and Order Council (RPOC) diha sa padayong pagtinabangay sa pangkalambuang mga tinguha ingon nga Prime Movers sa Peace and Development dinhi sa Davao Region.

Niadtong Oktobre 9, 2018 gihimo diha sa Davao City ang RPOC Meeting nga gipanguluhan mismo ni LTC RPOC Chair Gov. Tyron Uy ug matud pa niya nga apil sa mga nasabotan sa ilang Meeting ang Crafting sa “Davao Regional Peace, Security and Development Plan” ug ang pagmugna sa “Regional Task Force Balik-Loob” nga maoy tahasang mangamot sa mga mahinungdanong buluhaton aron mahatagan og espesyal nga pag-atiman ang mga Former Rebels(FRs) kon kanhi sakop sa mga Rebeldeng NPA nga mibalik na sa sabakan sa gobyerno sa rason nga gusto na nilang magpuyong malinawon kauban ilang tagsa-tagsa ka pamilya nga sa dugayng panahon ilang napasagdan tungod sa ilang pag-apil sa rebolusyonaryong kalihokan.

Niadtong Agusto 2016 opisyal nga gideklara sa militar nga “Conflict Manageable and Development Ready (CMDRA)”na ang Compostela Valley ugang maong deklarasyon mas gipalig-on sa “Memorandum of Agreement(MOA)” nga giprmahan nila ni LTC RPOC Chair Gov. Tyron Uy, 10th ID Commander Maj. Gen. Rafael C Valencia, ug Eastern Mindanao Commander Lt. Gen. Rey Leonardo B Guerero pinaagi ni Brig. Gen. Ronie C Evangelista.

“Karong adlawa, gipangunahan nako ang ‘Regional Peace and Order Council Meeting XI’. Kauban nako si PNP Region XI Dir. Marcelo Morales, si DILG Region XI Dir. Alex Roldan, ang mga heads sa national government agencies ug local government chief executives.

Apil sa among nasabutan sa maong RPOC meeting ang pag-craft sa Davao Regional Peace, Security and Development Plan, ang pagmugna sa Regional Task Force Balik-Loob para sa atong mga igsoon nga mibalik na sa sabakan sa balaod, ug updates sa Enchanced Comprehensive Local Integration Program(E-CLIP). Tinguha usab nako ang pagpakusog pa sa relasyon sa RDC ug RPOC isip prime movers sa peace and development sa Davao Region.” Matud ni Gov. Tyron Uy. (Gilbert M. Cabahug, PAO-ID Comval)

 

Niadtong Oktobre 9, 2018 gihimo sa Davao City ang RPOC Meeting nga gipanguluhan ni LTC RPOC Chair Gov. Tyron Uy ug matud pa niya nga apil sa mga nasabotan sa ilang Meeting ang Crafting sa “Davao Regional Peace, Security and Development Plan.” (m. lasaca/id comval)