Hugpong ng Pagbabago (HNP) Official Candidates sa Comval nag-file na sa ilang COC

Compostela Vallley Province- Gipanguluhan mismo ni HNP Provincial Chair Gov. Jayvee Tyron Uyang pag-file sa Certificate of Candidacy (COC) sa mga opisyal nga kandidato sa Hugpong ng Pagbabago(HNP)nga magpapili ug magpasubli karong umaabot nga piniliay sa Mayo 2019.

Ang pag-file sa ilang COC nahitabo niadtong Oktubre 12, 2018 sa buntag, ug nakauban sa Gobernador nga nag-file sa ilang COC ngadto sa Opisina ni Provincial Election Supervisor Atty. Aimee P. Ferolino-Ampoloquio sila Vice Gov. Manuel “Way Kurat” Zamora nga magpapili pagka Congressman, Cong. Maricar Zamora nga magpapili pagka Vice Governor, Senior Board Member Arturo “Chiongkee” Uy nga magpasubli pagka Board Member, ug Cong. Atty. Ruwell Peter Gonzaga sa PDP-LABAN(nga magpasubli pagka Congressman).

Ang ubang HNP Official Provincial Candidates nga nag-file sad sa ilang COC dungan sa gobernador ang magpa re-elect sa Board nga sila BM Vivencia Secuya, BM Macario Humol, BM Kristine Mae Caballero-Rañon, BM Raul Caballero, BM Joseph Jaoud, BM Dr. Renato Basañez, BM Atty. Marie Jude Lopoz, BM Nena “Ate Nenz” Atamosa, ug Adolfo C. Ang nga mikandidato sad pagka-Board Member kauban sa grupo human nga siya mihural kang Gov. Tyron Uy niadtong Oktobre 5,2018 atol sa “HNP Mass Oath Taking” sa Compostela.

Ang filing sa ilang COC gitambongan sa mga Municipal Mayors sa pagpanguna ni LMP Chair Mayor Roberto Yugo sa Pantukan, sa mga Vice Mayors, ug halos tanang Sangguniang Bayan Members nga magpapili ug magpasubli sa umaabot nga piniliay sa Mayo 2019.

Sayo sa buntag niadtong Oktobre 12,2018 ang mga kandidato mitambong sa Santos nga Misa nga giselebrar ni Fr.Edgar Tuling diha sa kapitolyo, ug human niini ang Provincial ug Congressional Candidates na ngadto sa COMELEC. Kuyog nila ang mga Municipal Mayors, Vice Mayors, ug SB Members sa 11 ka mga Munisipyo nga misaksi sa filing sa ilang COC niadtong adlawa.(Gilbert M. Cabahug, PAO-ID Comval)