Gov. Tyron Uy nag-file na sa iyang COC

Compostela Vallley Province –Nag-file na si HNP Provincial Chair Gov. Jayvee Tyron Uy  sa iyang “Certificate of Candidacy (COC)”aron subling magpapili pagka-Gobernador sa Compostela Valley sa moabot nga piniliay sa Mayo 2019.

Niadtong Oktubre 12, 2018, si Gov. Tyron Uy nag-file sa iyang COC ngadto ni Provincial Election Supervisor Atty. Aimee P. Ferolino-Ampoloquio kauban ang iyang amahan nga Senior Board Member Arturo “Chiongkee” Uy nga magpasubli sa pagka Board Member ug sila si Vice Gov. Manuel “Way Kurat” Zamora nga magpapili pagka Congressman sa Distrito 1, si Cong. Maricar Zamora nga magpapili pagka Bise Gobernador, ug Cong. Atty. Ruwell Peter Gonzaga sa PDP-LABAN nga magpasubli pagka Congressman.

Ang ubang HNP Official Provincial Candidates nga nag-file sad sa ilang COC dungan sa gobernador ang magpa re-elect sa Board nga sila BM Vivencia Secuya, BM Macario Humol, BM Kristine Mae Caballero-Rañon, BM Raul Caballero, BM Joseph Jaoud, BM Dr. Renato Basañez, BM Atty. Marie Jude Lopoz, BM Nena “Ate Nenz” Atamosa, ug Adolfo C. Ang nga mikandidato sad pagka-Board Member kauban sa grupo human nga siya mihural kang Gov. Tyron Uy niadtong Oktobre 5,2018 atol sa “HNP Mass Oath Taking” sa Compostela.

Ang filing sa ilang COC gitambongan sa mga Municipal Mayors sa pagpanguna ni LMP Chair Mayor Roberto Yugo sa Pantukan, sa mga Vice Mayors, ug halos tanang Sangguniang Bayan Members nga magpapili ug magpasubli sa umaabot nga piniliay sa Mayo 2019.

“Karong adlawa, nagfile ako sa akong Certificate of Candidacy (CoC) para gobernador sa atong probinsya sa Compostela Valley. Buot nakong ipadayon ang akong nasugdan diha sa Provincial Government. Uban kanako si Cong. Maricar Zamora isip bise gobernador, si Vice Gov. Manuel Waykurat Zamora isip congressman sa unang distrito, Cong. Ruwel Peter Gonzaga isip congressman sa ikaduhang distrito, mga board members sa atong partido, mga mayors ug uban pang local government officials.

Nagapasalamat ako sa tanang miduyog kanako karong buntaga. Padayon ang atong paningkamot alang sa tanang Comvalenyo!” Matud ni Gov. Tyron Uy (Gilbert M. Cabahug, PAO-ID Comval)