Gov. Tyron Uy gipasalamatan ang Davao Metro Shuttle nga nag-donate sa Comval og 2 Service Buses

Compostela Valley Province— Atubangan sa mga dagkong opisyal sa probinsiya ug sa mga empleyado sa Comval Capitol opisyal nga gipasalamatan ni Gov. Jayvee Tyron Uy ang Davao Metro Shuttle Bus Company nga nagdonar sa probinsiya og duha ka mga Service Buses arongamiton para sa mga importanteng lakaw sa mga empleyado sa kapitolyo, sa mga lumilihok diha sa kabaranggayan, ug uban pang grupo sa mga katawhan nga nagkinahanglan ug sakyanan panahon sa importante nilang mga kalihokan.

Parte sa Opening Program sa duha ka adlawng Employees Sportsfest sa Comval Capitol Employees ang Blessing sa mga Dumptrucks ug Heavy Equipments nga bag-o lang napalit sa probinsiya, ug sa bag-ong Service Bus sa Davao Metro Shuttle Bus Company nga gihatag sa Comval ni DMS CEO/President Decarlo “Oyo” Uy.

Ang Opening Program gisugdan sa Opening Remarks ni Vice Gov. Manuel “Way Kurat” Zamora ug gisunod dayon human niini ang Blessing sa mga Dumptrucks, sa mga  Heavy Equipments,ug sa bag-ong Service Bus nga giturn-over sad dayon ni DMS CEO/President Oyo Uy nga nagpahibalo nga ang ilang paghatag niini usa lang sa ilang mga pamaagi nga sila makahatag ug pahalipay ug mainitong pasalamat sa mga katwhang Comvaleño nga dakog natampo sa paglambo sa Metro Shuttle sa kapin 20  katuig na nga pag-operate.

Ilalom sa temang “Lingkod Bayani: Maka-Diyos, Makatao, Makabayan”,  ang Comval Province nagselebrar sa “118th Philippine Civil Service Anniversary” diin parte sa usa ka bulang selebrasyon ang duha ka adlawng Employees Sportsfest diha sa Comval Capitol Ground nga gipanguluhan nila ni Gov. Tyron Uy ug Vice  Gov. YK. (Gilbert M. Cabahug, PAO-ID Comval)

Gipasalamatan ni Gov. Jayvee Tyron Uy ang Davao Metro Shuttle Bus Company nga nagdonar sa probinsiya og duha ka mga Service Buses aron gamiton para sa mga importanteng lakaw sa mga empleyado sa kapitolyo, sa mga lumilihok diha sa kabaranggayan, ug uban pang grupo sa mga katawhan nga nagkinahanglan ug sakyanan panahon sa importante nilang mga kalihokan. (m.lasaca/id comval)