Gov Tyron Uy gihatag ang P4.5 Milyones nga ayuda sa mga probinsiyang biktima ni Ompong

Compostela Valley Province–  Opisyal na nga gitunol ni Gov.Jayvee Tyron Uyang P4.5 Milyones nga ayuda sa Comval Province ngadto sa mga probinsiyang biktima sa bagyong Ompong  (Typhoon Mankhut) nga nag-landfall sa Baggao, Cagayan niadtong Septyembre 15, 2018 sa ala 1:40 sa sayong kabuntagon.

Niadtong Oktobre 1, 2018 opisyal nga gipahibalo mismo ni Gov. Tyron Uy ang iyang paghatud sa siyam ka mga tseke didto sa Vigan City, Ilocos  nga nagkantidad og P4.5 Milyones nga hinabang sa probinsiya  para sa mga nabagyohan, nga apil sa mga importante niyang tuyo panahon sa iyang pagtambong sa Formal Signing sa  gihimong alyansa sa BILEG Party sa mga Singson sa Ilocos Sur ug sa Hugpong ng Pagbabago.

Nahitabo kini matud pa niya niadtong Septyembre 28, 2018 didto sa Vigan City Ilocos Sur nga maoy Venue sa gihimong Turn Over Ceremony sa siyam ka mga tseke nga gihatag sa Comval Province ngadto sa Tuguegarao City-P500,000.00, sa Municipality of Mayoyao P500,000.00, ug sa pito ka mga probinsiya nga grabeng naapektuhan sa bagyong Ompong diin ang kada usa gihatagan ug P500,000.00.

Matud ni Gov. Tyron Uy nga nabatasan na sa Comval Province ang pagtabang sa mga lugar nga naapektahan sa kalamidad labi na nga panahon sa bagyong Pablo wala kini gipasagdan sa mga probinsiya, mga siyudad, ug mga kalungsuran nga nagapdala sad dayon ug mga hinabang sa nagkalain-laing paagi nga maoy nagpasayon sa mga imporatanteng buluhaton sa PLGU comval ug MLGUs pag-atiman sa mga katawhang apektado sa bagyo.

Samtang, gipasalamatan sad ni Gov. Tyron Uyang Comval SP sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy nga sa kanunay naga-compelement sa iyang mga programa ug proyekto pinaagi sa daling pag-aproba labi na sa P4.5 Milyones pundo gikan sa Disaster Fund nga iyang gigahin aron itabang sa mga biktima ni Ompong.(Gilbert M. Cabahug, PAO-ID Comval)