Sa Comval: 210,122 libreng “Fusarium Resistant Banana Plantlets”nahatag sa 151 Banana Farmers

Compostela Valley Province-Miabot na karon sa 210,122 ka punoang “Fusarium Resistant Banana Plantlets” ang nahatag nga libre sa probinsiya pinaagi sa Comval PAGRO  ngadto sa 151 ka mga Banana Farmers sa Comval nga ang ilang sagingan grabeng naapektahan sa sakit nga Fusarium Wilt, ug sa pagsulti ni Gov. Jayvee Tyron Uy niini opisyal niyang gipaabot ang iyang mainitong pasalamat sa Department of Agriculture(DA) nga maoy constant partner sa probinsiya sa nagpadayong paghatag og ayuda sa mga mangungumang Comvaleño.

Kauban sa libreng semilya matud ni Gov Tyron Uy ang 504 sako sa libreng abono nga gihatag gihapon kanila panahon sa ilang pagtanom, ug sa pagkakaron aduna pay 1,086 sakong abono nga ihatag gihapon sa probinsiya ngadto kanila nga libre aron mapaneguro ang maayong pagtubo sa gitanom nilang saging.

Gisulti kini sa Gobernador atol sa iyang “2nd State of the Province Adress (SOPA)” diha sa Monkayo, ug matud pa niya nga gipasalamatan gyod niyag dako ang Department of Agriculture (DA) tungod sa dakong tabang niini sa probinsiya sa paghatag sa nagkadaiyang klase sa mga ayuda sa panguma sama sa P8.55 Milyones DA Fund nga gigamit sa probinsiya para sa “Eradication of Fusarium Infected Bananas” nga sa pagkakaron aduna nay 238 ka mga Banana Farmers nga nakadawat gikan sa probinsiya og P5,714,000.00 para sa ilang 11,825 fusarium infected mats successfully eradicated nga gibayran sa probinsiya og P500.00 ang kada punoan.

Ang iyang “2nd State of the Province Address” diha himoa sa Monkayo Dome niadtong Oktobre 18,2018 atol sa Mobile Session sa Comval SP sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy. (Gilbert M. Cabahug – ID Comval)