Blue Knights daug sa “Comval Employees Sports-fest 2018”

Compostela Valley Province–-Ang Team Blue Knights nga gipanguluhan ni Gov. Jayvee Tyron Uy maoy nahimong Champion sa bag-o nahumang “Comval Employees Sports-fest 2018”nga parte sa nag-unang mga kalihokan sa usa ka bulang selebrasyon sa “118th Anniversary of the Philippine Civil Service Comission”.

Tungod sa nakuhang 1,250 puntos overall score ang Team Blue Knights maoy gideklarang Champion sa mga hurado panahon sa duha ka adlawng kalihokan nga malampusong gihimo sulod sa Comval Capitol Ground niadtong Sept.13-14,2018, ug nagsunod niini ang Team Black Ninjas sa pagpnguna ni Vice Gov. Manuel “Way Kurat” Zamora sa Overall Score nga 1,1175 nakuhang puntos sa pinili ug hinashasang mga magdudula sa grupo.

Apil sa gisawhang mga dula sulod sa duha ka adlawng paugnat sa kusog ang Basketball, Volleyball, Quad Sack Race, Badminton, Tug of War, Karang, Skipping Rope, Maria Rushed to Capitol, Dance Sport, Amazing Race, Search for Mr. and Miss Sports-fest 2018, ug ang Banner Raising.

Awhag ni Gov. Uy nga luyo sa tinguhang kadaugan kinahanglan nga ang matag-usa maneguro nga ang iyang partisipasyon makatampo sa dakong tinguha nga kini himoong makalingaw ug mapromotar ang panagsuod, bonding ug panaghigalaay sa mga empleyado.

Sulti sad niya nga bawal mohilak ang mapilde, ang paghilak gitugot lang sa makadaug basta Tears of Joy diin iyang giawhag ang tanang mga empleyado nga mag-enjoy sa ilang mga dula aron mahimong mas makalingaw ug mas mabulokon ang ang maong selebrasyon.(Gilbert M. Cabahug, PAO-ID Comval)