Gov. Tyron Uy giimplementar ang “P1.1394 Billion Road Concreting Projects” sa Comval

Compostela Valley Province-Miabot gyod P1.1394 Bilyones ang kinatibuk-ang kantidad sa mga Road Concreting Projects ang giimplementar karon ni Gov. Jayvee Tyron Uy sa Comval Province, ug 9 na gyod ka mga Road Sections gikan niini ang nahuman sa gilay-ong 20.3 ka kilometro nga ang kinatibuk-ang kantidad miabot og P238.65 Milyones.

Apil sa mga nahuman ang “P109.41KM Pangutusan, Nabunturan-Alegria Compostela PRDP Road” sa gilay-ong 11.74 ka kilometro nga giturn over nila ni Gov. Tyron Uy ug DA Region XI Dir.Engr. Ricardo Oñate Jr. niadtong Hulyo 24,2018 diin ilang nakauban sa usa ka halandumong Turnover Ceremony si Mayor Lema Bolo; BM Dr. Renato Basañez; ug ang mga Brgy. Officials sa Brgy. Pangutusan, Brgy. Basak, ug Brgy. Magading sa Nabunturan.

Ang pinakabag-ong Report nga gipagula sa opisina ni PEO Chief Engr. Rhoderick Digamon nagtug-an nga gikan sa 33 ka mga Proyektong Road Concreting sa gilay-ong 86.618 ka kilometro nga gipatrabaho sa gobernador aduna nay 20.3 Km. nga nahuman ug padayon pang gitrabaho ang laing 8 ka mga Road Concreting Projects sa gilay-ong 32.638 Km. nga ang kinatibuk-ang kantidad moabot sa P518.177 Milyones kon mahuman.

Samtang, gi-schedule na karon ang pagtrabaho sa laing 16 pa ka mga Road Concreting Projects sa gilay-ong 33.68 ka kilometro nga ang kinatibuk-ang budget moabot sa P382.582 Milyones. (Gilbert M. Cabahug, IDS-Comval)