Gov. Tyron Uy pakusgon ang iyang “End Hunger Chain Programs” sa Comval

Compostela Valley Province-Pakusgon ug mas palig-onon pa ang iyang “End Hunger Chain Programs” sa Comval, ug dungan sa pagsulti ni Gov. Jayvee Tyron Uy niini ang iyang awhag nga kon mahimo dili undangon ang maong mga paningkamot hangtud maluwas ang labing ulahing bata sa Comval nga nasayrang nag-antos sa grabeng kalisud, kagutom, ug under nutrition.

Atol sa bag-o nahumang “1st End Hunger Summit” nga malampusong gihimo diha sa RDR Gym sa Tagum City niadtong milabayng Hulyo 31, 2018 opisyal nga gipresentar sa gobernador ngadto sa publiko ang nagpadayong “End Hunger Chain Programs” sa Comval Province nga mao ang mas gipalapdan niyang “Kusina ng Kalinga (KNK) Program” pinaagi ni KNK Action Officer Senior Board Member Arturo “Chiongkee” Uy, ang Liwanag ng Pamilya Program(LPP) pinaagi ni Women Development Council Chair Ms. Sholai Lim, ug ang mas gipakusog niyang Adopt-a-Child Program.

Pinaagi sa Kusina ng Kalinga ang probinsiya, ang DepEd Comval, ang Gawad Kalinga Foundation,  ug uban pang mga partners nagtinabangay sa nagpadayong paghatag og libreng paniudto kada adlaw sulod sa 120 ka mga adlaw ngadto sa liboang mga Elementary School Pupils sa onse ka mga lungsod nga nailang Wasted and Severely Wasted ang ilang Nutritional Status.

Sa LPP ang pagsiguro nga dili na mobalik pagka-undernourished kadtong naulian kon normal na human ang 120 Feeding Days pinaagi sa paggiya ug pagpalambo sa katakos sa mga inahan nga mao ang ilaw kon liwanag ng tahanan.

Samtang, kadtong wala naulian human ang 120 Feeding Days atimanon gihapon sa probinsiya ilalom sa Adopt a Child Program.

“While there is a Child in this Province that Suffers from Hunger, the Fight is not yet over; our vision will never be complete. We will not stop until we rescue the last child from the bondage of hunger, poverty and under nutrition. Mula noon, hanggang ngayon, walang iwanan,” matud ni Gov. Tyron Uy. (Gilbert M. Cabahug // ID Comval)