Business Sector nagtapok alang sa buhatong “Business Security Plan” sa Comval

Compostela Valley Province-Giapilan sa kapin kon kulang 100 ka mga negosyante sa tibuok Comval Province ang usa ka adlawng “Consultative Forum on Business and Investment Security” nga nagtumong sa pagmugna og “Business Security Plan/Protocol” aron mas mapalig-on pa ang “Business and Investment Security” sa onse ka mga lungsod.

Aron mas mapahugtan ug mas mapalig-on pa ang nahaunang mga paningkamot nga maprotektahan ang sector sa mga negosyante sa Comval ug ang ilang investments, gimando karon ni RPOC Chair Gov. Jayvee Tyron Uy ang pagmugna sa usa ka komprehensibong “Business Security Plan and Protocol”, ug parte niini ang pagahimoong “Comval Business Investment Security Summit” nga gisugdan sa usa ka adlawng “Consultative Forum on Business and Investment Security” diha sa kapitolyo.

Ang ilang panagtapok nahitabo niadtong Hulyo 30, 2018 nga gisugdan sa Welcome Message ni Assistant Provincial Administrator Placido Alcomedras Jr. nga mao gihapoy nagpabati sa mensahe ni RPOC Chair Gov. Tyron Uy.

Mihatag sad sa iyang Inspiration Messsage si Mr. John Gaisano nga gisundan sad dayon sa paghatag sa militar ug kapulisan sa Business and Situationer sa probinsiya, ug human niini ang Briefing and Orientation Workshop nga gidumala ni Mr. Augustus Caesar B. Esmeralda nga maoy napiling facilitator sa usa ka adlawang kalihokan.(Gilbert M. Cabahug // ID Comval)