Gov. Tyron Uy panegurohon ang malahutayong kalinaw ug seguridad sa mga katawhan diha sa Brgy.Mt. Diwata

Compostela Valley Province—Panegurohon nga sa kanunay mahatag sa gobyerno ang malahutayong kalinaw ug seguridad sa mga katawhan diha sa Barangay Mt. Diwata, ug sa pagsulti ni RPOC Chair Lt. Col. Gov. Jayvee Tyron Uy niini iyang gipasabot ang dako niyang tinguha nga mamahimong hapsay ug han-ay ang Rehabilitation Process sa mga katawhan diha sa Diwalwal.

Gisulti kini sa Gobernador atol sa bag-o nahumang “Mt.Diwata Stake Holders’ Dialogue” sa Barangay nga gipasiugdahan sa MLGU Monkayo sa pagpanguna ni Mayor Ramil Gentugaya, sa mga kapulisan sa pagpanguna ni Comval Provincial Director PSSupt Roderico Roy Jr., ug sa mga kasundalohan sa pagpanguna ni Gen. Noel S. Clement ug Col. Oscar Balignasay.

Sa iyahang official statement, giingon ni Gov. Uy nga iyang prayoridad ang peace and security sa maong dapit.

“As governor, it is my job to make sure that this rehabilitation process goes smooth. It is my obligation to ensure that this everything is ready. To insist without considering the impacts of our actions might lead to social crisis and I will not allow that to happen”. Matud ni Gov. Tyron Uy. (Gilbert M. Cabahug/Allin Joy Camille)