Comval Province duna nay “2.4 MW Hydropower Plant”

Compostela Valley Province—Aduna nay 2.4 MW Hydro-power Plant ang Compostela Valley Province ug kini mao ang “2.4 MW Euro Hydro-power Plant” diha sa Brgy.Andap, New Bataan nga gidumala ug gipanag-iyahan sa “Euro Hydro Power (Asia) Holdings Inc. (EHPHI)”.

Mismo si Gov. Jayvee Tyron Uy maoy mihatag og Keynote Message atol sa bag-o nahumang “Inaugural Commissioning”  nga gitambongan nila Mayor Geraldford Balbin ug iyang amahan nga si Former Mayor Lorenzo Balbin Jr., mga dagkong opisyal sa Department of Energy (DOE) Mindanao Field Office, ug ni EHPHICEO Alan B. Uy.

Ang“2.4 MW Euro Hydropower Plant” sa Brgy.Andap mao ang pinakaaunang Hydropower Plant sa tibuok probinsiya, ug gipasabot sa gobernador atol sa iyang mensahe ang importansiya sa maong proyekto diha sa ekonomiya ug sa kinaiyahan nga makahatag ug dakong kaayohan sa mga katawhang Comvaleño.

“This project will truly help propel the economy of the province. A good energy supply surely spells half of our economy. It will also create jobs for the people of Andap” sulti ni Gov. Uy.

Dugang niya “Environment-wise, the production of renewable energy is part of our commitment to ensure the production of clean and sustainable energy. In the part of the Provincial Government, we strive hard and do our best to find the middle way between economic growth and environmental protection”.(Gilbert M. Cabahug/Alin Joy Camille)