Dul-an 3,000 ka Comvalenyo Leaders nag HNP na

Compostela Valley Province—Gipanguluhan mismo ni Regional Peace and Order Council (RPOC) Chair Gov. Jayvee Tyron Uy ang kapin kon kulang 3,000 ka mga Comvaleño Leaders nga mihural ngadto ni Hugpong ng Pagbabago (HNP) Chair Davao City Mayor Zara Z. Duterte nga nahitabo atol sa usa ka adlawng “HNP Basic Orientation and Mass-Oathtaking”.

Apil sa mga mihural sa HNP ang tanang sakop sa Comval Sangguniang Panlalawigan (SP) sa pagpanguna nila ni Vice Gov. Manuel “Way kurat” Zamora ug Senior Board Member Arturo “Chiongkee” Uy. Apil sab ang tanang Municipal Mayors sa onse ka mga munisipyo sa pagpanguna ni League of the Municipalities of the Philippines (LMP) President Comval Chapter Mayor Roberto Yugo sa Pantukan, ang tanang Vice Mayors, Municipal Councilors, Barangay Captains ug Officials, ang tanang Sangguniang Kabataan chairpersons ug uban pang mga iladong personalidad sa tibuok Comval Province.

Ang usa ka adlawng kalihokan diha himoa sa Pantukan Provincial Gym niadtong Hulyo 19,2018 ug apil sa mga mitambong sila  Sen. JV Ejercito;  “Special Assistant to the President “SAP” Christopher “Bong” Go; Ilocos Norte Gov. Maria Imelda “Imee” Marcos; ug mga dagkong opisyal sa HNP nga sila Davao Occidental Gov. Claude Bautista, Davao Oriental Gov. Nelson Dayanghirang, ug HNP Sec. Gen. Davao del Norte Gov. Anthony Del Rosario.

Unang gihimo ang “HNP Basic Orientation” ni Atty. Dennis Bohol sa mga mahinungdanong kasayuran sa Hugpong nga natala diha sa Constitution and By Laws niini nga naglakip sa Preamble; ngalan sa partido; membership; mga katungod ug buluhaton sa mga miyembro; Plata Porma de Gobyerno; ug mga mahinungdanong prinsipyo sama sa participatory nga tinguha, transparency,  accountable governance, pagrespeto sa rule of majority, uphold the rule of law, ug uban pa. (Gilbert M. Cabahug, PAO-ID Comval)

 

BETA: Testing Phase