Director Oñate ug Gov Uy gi turnover ang bag-o nahuman nga Pangutusan, Nabunturan to Alegria Compostela PRDP Road”

Compostela Valley Province—Opisyal na nga gi turnover nila ni Gov. Jayvee Tyron Uy ug DA Region XI Dir.Engr. Ricardo Oñate Jr. ang bag-o nahumang “11.74 KM Pangutosan, Nabunturan to New Alegria, Compostela Farm to Market Road (FMR)” nga nakahurot sa kapin kon kulang P109.577 Milyones.

Nahitabo ang pagtunol sa hapit 12 ka kilometrong PRDP Road Concreting Project niadtong Hulyo 24,2018 diin ilang nakauban si Mayor Lema Bolo; Board Member Dr. Renato Basañez;  ug ang mga  Brgy. Officials sa Brgy. Pangutusan, Brgy. Basak, ug Brgy. Magading sa Nabunturan.

Apil sad sa mga mitambong ang mga Brgy. Officials sa Brgy. Gabi ug Brgy.New Alegria sa Compostela ug ang mga Provincial Government Heads nga sila Veterinarians Chief Dr. Rolando Simene, Engineering Chief Engr. Rhoderick Digamon, ug Planning and Development Chief Romeo Celeste nga nakauban sa gobernador atol sa Ceremonial Cutting of Riboon.

Pipila ka bulan human milingkod si Gov. Uy nga gobernador sa Comval Province gisugdan pagtrabaho ang tulo ka mga dagkong Road Concreting Projects nga gibubo sa probinsiya  ni Pang. Rodrigo Duterte pinaagi sa Department of Agriculture (DA) ilalom sa mas gipakusog niyang Philippine Rural Development Project (PRDP).

Kining mga proyektoha mao ang “Pangutosan, Nabunturan-New Alegria, Compostela FMR” nga nagkantidad og P109,577,000.00 sa gilay-ong 11.74 ka kilometro ug laing duha nga mao ang 5.10564 KM nga “Nuevo Iloco FMR” sa Mawab-P53,220,000.00 ug ang 1.54 KM nga “Poblacion-Magkagong FMR” sa Maragusan sa kantidad nga P13,426,000.00 nga una nang na turnover. (Gilbert M. Cabahug, PAO-ID Comval)

Governor Jayvee Tyron Uy with DA-XI Regional Director Ricardo Oñate Jr. led the turn-over ceremony of the completed PRDP Project Re: the Rehabilitation of Barangay Pangutusan, Nabunturan to Barangay New Alegria, Compostela Farm to Market Road with Compostela Mayor Lema P. Bolo, and Barangay Officials of Barangays Pangutusan and New Alegria on July 24, 2018. (Photo By: M. Lasaca, PS Comval)