/widgets.js";var sz=d.getElementsByTagName(s)[0];sz.parentNode.insertBefore(z,sz)}(document,"script","zb-embed-code"));

Sen. Jayvee Ejercito motambong sa “Hugpong ng Pagbabago (HNP) Mass Oath-Taking” sa Pantukan

Compostela Valley Province-Apil si Sen. Jayvee Ejercito sa mga labing importanteng personalidad nga motambong sa “Hugpong ng Pagbabago (HNP) Mass Oath-Taking” sa Pantukan nga panguluhan mismo nila ni HNP Chair Davao City Mayor Zara Z. Duterte, Regional Peace and Order Council (RPOC) Chair Gov.Jayvee Tyron Uy, ug Sangguniang Panlalawigan (SP) Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy.

Diha kini himoon sa Pantukan Gym sa Hulyo 19,2018, ug moapil sa usa ka adlawng “Basic Orientation and Mass Oath-Taking” ang kapin kon kulang 2,000 ka mga lideres gikan sa onse ka mga lungsod sa tibuok Comval Province.

Kauban ni Sen. Ejercito nga motambong sila “Special Assistant to the President “SAP” Christopher “Bong” Go ug Ilocos Norte Gov. Maria Imelda “Imee” Marcos ug apil sa mga motambong ang onse ka mga Municipal Mayors sa pagpanguna ni LMP Chair Mayor Roberto Yugo sa Pantukan, ang onse ka mga Municipal Vice Mayors, Sangguniang Bayan (SB) Members, Barangay Officials, ug uban pa.

Ang usa ka adlawng panagtapok sugdan sa Opening Message ni Gov. Tyron Uy ug magsunod niini ang Keynote Message ni HNP Chair Davao City Mayor Inday Zara Duterte nga mahitabo human siya ipaila ni LMP Chair Mayor Roberto Yugo.

Ang “HNP Basic Orientation and Mass Oath-Taking” diha sa Pantukan pagatambongan sad nila Cong. Atty. Ruwell Peter Gonzaga ug Cong. Maricar Zamora nga mohatag sa ilang Message of Support atol sa maong okasyon. (Gilbert M. Cabahug, PAO-ID Comval)