Comval Provincial Hospitals maoy mangita’g dugo para sa pasyente

Compostela Valley Province—-Ang Comval Provincial Hospitals maoy mangunay pagpangita’g dugo para sa mga pasyente nga nagkinahanglan, ug dili na ang mga tagtungod ug ang mga bantay maoy saligan pagpangita’g dugo nga iabuno sa ilang pasyente.

Si Provincial Blood Services Program Coordinator Jong Merced sa Comval PHO nagsulti nga human miabot sa probinsiya ang duha ka mga Blood Refrigerators, Plasma Freezers, ug uban pang mga Blood Bank Equipment nga gihatag sa DOH gimando dayon ni Gov. Jayvee Tyron Uy ang full implementation sa “Direct Distribution System of the Blood” ni Pang. Rodrigo Roa Duterte rason nga facility to facility transaction na lang ang ginatugot sa pag-provide og dugo sa mga pasyente diha sa Comval Provincial Hospitals.

Una niini gisulti ni Provincial Economic Enterprise and Management Office (PEEMO) Chief Dr. Ferdinand Anthony C. Soberano ang gihimong paningkamot sa probinsiya para sa Full Implementation sa “Direct Distribution System of the Blood” nga gipatuman ni Gov. Tyron Uy sa upat ka mga hospital sa Comval nga mao ang Compostela Valley Provincial Hospital (CVPH) Montevista, CVPH Laak, CVPH Pantukan, ug CVPH Maragusan nga nahitabo human siya milingkod nga gobernador sa Comval Province niadtong Hulyo 2016.

Ilalom sa “Direct Distribution System of the Blood” ang Hospital na sa probinsiya mismo maoy gitahasan ni Gov. Uy nga mangita og dugo para sa mga pasyenteng nagkinahanglan ug dili na isalig pa ngadto sa bantay ug mga tagtungod ang maong buluhaton aron dili na sila masahol sa pagpangita og dugo nga iabuno ngadto sa mga pasyenteng nagkinahanglan. (Gilbert M. Cabahug, PAO-ID Comval)