Sa Comval: “Community Service-Oriented Policing System” pakusgon sa mugnaong “Triumvirate Partnership”

Compostela Valley Province— Pakusgon karon sa Comval Province ang  “Community Service-Oriented Policing (CSOP) System Implementation” pinaagi sa mugnaong “Triumvirate Partnership” nga maoy tumong sa Memorandum of Agreement (MOA) nga gipirmahan ni Gov. Jayvee Tyron Uy ug sa onse ka mga Municipal Mayors, ug ni PNP PD PSSupt. Roderico A Roy Jr. ug sa mga Chief of Pulis (COP) sa onse ka mga munisipyo.

Ang MOA Signing nahitabo sa kapitolyo niadtong  Hulyo 5, 2018 atol sa usa ka adlawng “Orientation of the Local Chief Executives and Chief of Police on the Implementation of the ‘Community and Service-Oriented Policing (CSOP) System’ for the Province of Compostela Valley” nga gipasiugdahan sa National Police Commission (NAPOLCOM) ug sa Comval PPO.

Parte sa kalihokan ang Orientation Proper nga gisugdan sa Welcome Remarks ni Gov. Tyron Uy sa nagtapok nga mga partisipante diin gisunod dayon sa mensahe sa Gobernador ang paghatag ni NAPOLCOM Commissioner Zenonida F. Brosas sa iyang Keynote Message nga nahitabo human siya gipaila ni NAPOLCOM Region XI Dir. Ma. Teresa Tuburan-Pacudan.

Apan si NAPOLCOM Region XI Staff Service Chief Donna Lynn A. Caparas maoy mihatag og Lecture bahin sa Community and Service-Oriented Policing System nga sa pagkakaron giilang usa sa pinakamaayong Law Enforcement System sa gobyerno tungod sa himoong Partnership sa PNP, sa mga LCEs, ug sa Community. (Gilbert M. Cabahug, PAO ID-Comval)

Pakusgon karon sa Comval Province ang  “Community Service-Oriented Policing (CSOP) System Implementation” pinaagi sa mugnaong “Triumvirate Partnership” nga maoy tumong sa Memorandum of Agreement (MOA) nga gipirmahan ni Gov. Jayvee Tyron Uy ug sa onse ka mga Municipal Mayors, ug ni PNP PD PSSupt. Roderico A Roy Jr. ug sa mga Chief of Pulis (COP) sa 11 ka mga munisipyo. Kini giphitabo niadtong Hulyo 5 sa kapitolyo. (m.lasaca/id comval)