DSWD:62,981 na ang 4Ps Beneficiaries sa Comval

Compostela Valley Province-— Naa na karon sa 62,981 ka pamilyang Comvaleño  ang nakabenepisyo sa “Pantawid Pampamilyang Pilipino Program” kon 4Ps nga padayon gihapon karon nga giimplementar ni Pangulong Rody Duterte pinaagi sa Department of Social Welfare and Development (DSWD).

Gisulti kini mismo ni Expanded Students Grants in aid Program for Poverty Alleviation (ESGP-PA) Provincial Focal Gail Ashley Monteza sa DSWD Comval panahon sa gihimong Inteview diha sa Comval Capitol sa diha nga gipasidunggan ang mokabat 158 ka mga ESGP-PA Scholars sa Comval nga migradawar sa ilang pagtuon sa kolihiyo human ang dakong tabang nga gihatag kanila sa gobyerno.

Ang “Araw ng Pagkilala sa mga Natatanging ESGP-PA Graduates” nahitabo niadtong  Hulyo 6, 2018, ug gipasabot ni Monteza nga kini sila mga anak sa “4Ps Beneficiaries” sa Comval nga nahimong eskolar sa ESGP-PA Program ni Pangulong Rodrigo Roa Duterte (PRRD) pinaagi sa Department of Social Welfare and Development DSWD) ug sa Commission on Higher Education (CHED) nga mihatag og P60,000.00 matag tuig sa kada usa kanila aron sila makatiwas sa ilang pag-eskwela sa Kolihiyo.

Gusgdan ang kalihokan sa Processional sa 168 ka mga ESGP-PA Graduates sa Comval kauban ang mga dagkong opisyal sa USEP Tagum ug Mabini Campus, sa DSWD, CHED, DOLE, ug sa Comval PLGU sa pagpanguna ni Gov. Jayvee Tyron Uy.

Human niini ang Welcome Message ni DSWD Region XI Promotive Services Chief Merlinda Paragamac nga gisundan dayon sa Distribution sa mga sertipiko ngadto sa “ESGP-PA Graduates, sa paghatag og medalla sa mga Academic Awardees, ug sa pagpaminaw sa Word of Challenge ni Gov. Tyron Uy nga gipabati ni Executive Assistant Gigi Guzman.

Matud ni Monteza  nga sa panahon ni PRRD gipadak-an ang mga benepisyo nga gihatag sa sa gobyerno ngadto sa mga 4Ps Beneficiaries nga sa pagkakaron moabot na sa P2,600.00 ang mahatag sa kada pamilya matag bulan kay duna na silay P600.00 para sa Rice Subsidy, ug dugang tabang ang ESGP-PA aron makapadayon pag-eskwela sa kolihiyo ang ilang mga anak. (Gilbert M. Cabahug, PAO ID-Comval)