AFP: 219 na ang NPA Regulars sa Comval nga nag-surrender

Compostela Valley Province— Miabot na karon sa 219 ka mga NPA Regulars sa Comval ang nag-surrender, ug pinakabag-o matud sa militar ang 75 kanila kauban ang 27 nga nadakpan sa mga sundalo panahon sa nagsunod-sunod nga combat operations.

Niadtong Hulyo 4, 2018  gidumala ni Lt. Col. RPOC Chair Gov. Jayvee Tyron Uy ang Provincial Peace and Order Council (PPOC) Meeting diha sa Social Hall sa kapitolyo diin parte niini ang paghatag sa Militar sa Peace and Order Updates nga naglangkob sa ilang Current Operation Activities ug sa ilang Actual Accomplishment panahon sa paghatag nila og ayuda sa mga kapulisan sa Anti-illegal Drugs Operations ug sa gihimong Checkpoint Operations nga usa sa mga importanteng Component sa gihimong Combat Against Terrorism.

Ang Meeting gitambongan nila DILG PD Noel Duarte; PNP PD PSSupt. Roderico Roy Jr. sa Comval PPO kauban ang mga COP sa 11 ka mga lungsod; Provincial Fire Chief Inspector Randolf V. Arbutante; SDS Dr. Reynante Solitario sa Comval DepEd; DTI PD Atty. Lucky Sigefred Balleque; sa mga Municipal Mayors sa pagpanguna ni LMP Chair Mayor Roberto Yugo sa Pantukan; ug mga PG Dept. Heads nga sila PAGRO Chief Minda Agarano, PVO Chief Dr. Rolando Simene, ug PLGU PENRO Eugene Alaba.

Apil sad sa mga mitambong si BGen Reuben S Basiao sa 71st IB ug mga Field Commanders nga sila LTC Davice Christopher G Mercado sa 72nd IB, LTC Oscar Balignasay sa 25th IB, LTC Michael Licyayo sa 46th IB, LTC Gilbert Ombos sa 60th IB, LTC Palmer Parungao sa 66th IB, LTC Esteveyn Ducusin sa 71st IB, ug uban pa. (Gilbert M. Cabahug, PAO ID-Comval)