Mga Doctor sa Comval Provincial Hospitals di mangolekta’g  Professional Fees sa kabus nga mga pasyente

Compostela Valley Province-Dili mangolekta sa ilang Professional Fees ngadto sa kabus nga mga pasyente ang mga Doctor ug Medical Specialists sa Compostela Valley Provincial Hospitals.

Giklaro ni PEEMO Chief Dr. Anthony Sobernano nga apil sa mga labing importanteng saad sa mga Doctor ug Medical Specialists diha sa gipirmahan nilang Performance Commitment ngadto kang Gov. Jayvee Tyron Uy nga dili sila mangolekta og Professional Fees sa mga Service Ward Patients nga pagahatagan sa probinsiya sa libreng Hospital Services ilalom sa Charity Program ug sa No Balance Billing Policy (NBB).

Makabenepisyo matud pa sa NBB Policy ni PRRD nga gipakusog sa Comval ni Gov. Uy ug SP Members sa pagpanguna nila ni Vice Gov. Manuel “Way kurat” Zamora ug Senior Board Member Arturo “Chiongkee” Uy kadtong mga pasyenteng kabus nga enrolled sa Government Sponsored PhilHealth nga naglakip niadtong enrolled sa libreng Philhealth sa probinsiya, sa mga 4Ps Beneficiaries, ug sa mga Senior Citizens.(Gilbert M. Cabahug, IDS-Comval)