“P109.41M Pangutusan, Nabunturan-Alegria Compostela PRDP Road” human na

Compostela Valley Province— Kompirmadong human kon naa naa sa 100% ang Physical Accomplishment sa “11.74 KM Pangutosan, Nabunturan-New Alegria, Compostela Farm to Market Road(FMR)” nga diin sa pagtrabaho niini miabot sa P109,577,000.00 ang nagastong pundo sa Gobyerno.

Pipila ka bulan human milingkod si Gov. Jayvee Tyron Uy nga gobernador sa Comval Province gisugdan pagtrabaho ang tulo ka mga dagkong Road Concreting Projects nga gibubo sa probinsiya  ni Pangulong Rodrigo Roa Duterte (PRRD) pinaagi sa Department of Agriculture (DA) ilalom sa mas gipakusog niyang Philippine Rural Development Project (PRDP) nga matud ni PEO Chief Engr.Rhoderick Digamon nga sa pagkakaron kining  tanan human na.

Ang tulo ka mga proyekto matud pa niya mao ang “Pangutosan, Nabunturan-New Alegria, Compostela Farm to Market Road(FMR)” nga nagkantidad og P109,577,000.00 sa gilay-ong 11.74 ka kilometro; ang 5.10564 KM nga “Nuevo Iloco Farm to Market Road(FMR)” sa Mawab-P53,220,000.00; ug ang 1.54 KM nga “Poblacion-Magkagong FMR” sa Maragusan nga nagkantidad og P13,426,000.00.

Si PEO Chief Engr. Digamon mihatag og update kang Gov. Tyron Uy sa mga Infrastructure Projects nga padayong giimplementar sa probinsiya atol sa “Provincial Infrastructure Management Team (PIMT) Meeting sulod sa Governors’ Conference Room niadtong Huwebes (Mayo 31,2018) sa hapon. (Gilbert M. Cabahug,PAO-ID Comval)