New  Bataan ug Maragusan sudlon sa “Bayanihan Para sa Sambayanan” ni Gov. Tyron Uy sa Comval

Compostela Valley Province— Ang mga lungsod sa Maragusan ug New Bataan maoy sunod nga pagabuboan sa nagkadaiyang mga serbisyo sa Gobyerno ilalom sa “Bayanihan Para sa Sambayanan” nga gipakusog sa Comval ni Gov. Jayvee Tyron Uy sa Comval ilalom sa Executive Order (EO) No. 049-2017 nga iyang gipagula niadtong Agosto 9,2017.

Tumong sa EO ang paghimo sa usa ka “Local Version Serbisyo Caravan” kon paghatud sa nagkadaiyang mga serbisyo ngadto sa mga katawhan diha sa mga lugar sa onse ka mga lungsod nga giilang “Geographically Isolated and Depressed Areas (GIDAS) kon dapit sa Comval nga hilit ug grabe ang pagkatuyoon nga dumalahon mismo sa PLGU Comval.

Segun sa nasabotan atol sa bag-o nahumang “Bayanihan Para sa Sambayanan Evaluation and Planning” nga gidumala ni Gov. Tyron Uy pinaagi ni Bayanihan Para sa Sambayanan Focal PHO Chief Dr. Antonio Ybiernas Jr. niadtong Lunes (Hunyo 4,2018) nga ang Bayanihan Para sa Sambayanan mosulod diha Caragan nga maglakip sa Brgy.Bahi ug Brgy. Langgawisan sa Maragusan karong Hulyo 3,2018 aron paghatag sa nagkadaiyang mga serbisyo sa panglawas sama sa libreng Medical, libreng Dental, libreng opera, libreng tuli,  ug dunay libreng mga tambal nga ipanghatag.

Samtang sa Hulyo 6,2018 diha kini himoon sa Brgy. Cagan kon Tagdalungdong sa New Bataan lakip ang Pungpong ug Misyon aron paghatag sa susamang mga serbisyo ngadto sa mga katawhan nga libre kon walay bayad.

Unang gisulod sa Bayanihan Para sa Sambayanan nga gipakusog ni Gov. Tyron Uy ug mga kauban nga sila Vice Gov. Manuel “Way Kurat” Zamora, Senior Board Member Arturo “Chiongkee” Uy ug SP Members ang Brgy. Mt. Diwata sa Monkayo niadtong Nobyyembre 28-29,2017 ug nahatag sa mga katawhan panahon niini ang 12,700 semilya sa Agro Forest Trees nga gitunol sa probinsiya nga walay bayad pinaagi sa mga sakop nila PAGRO Chief Dr. Rolando Simene ug PLGU PENRO Chief Eugene Alaba.(Gilbert M. Cabahug, PAO-ID Comval)

BETA: Testing Phase