700 Comvaleño Farmers magtapok sa “Farmers and Fisherfolks Month Celebration”

Compostela Valley Province- Panguluhan mismo ni Gov. Jayvee Tyron Uy ug mga kauban nga sila DA Region XI Dir. Engr. Ricardo Oñate ug Mayor Eutropio “Tupoy” Jayectin ang kapin konkulang 700 Comvaleño Farmers nga magtapok diha sa Montevista Gymnasium aron saulogon ang Farmers and Fisherfolks Month sa Mayo 2018.

Segunsa gipadalang sulat ni PAGRO Chief Dr. Rolando Simene nga himoong Highlight sa “2018 Farmers and Fisherfolks Month Celebration” ang dakong panagtapok sa mga mangunguma aron sa pagsaulog niini ilalom sa Temang “Tulong-tulong at Bigyang Kapangyarihan ang Komyunidad sa Pagsasaka at Pangingisda-Makamit, Abot-Kaya at Masustansiyang Pagkain Para sa Bawat Mamamayan”.

Sugdan kini sa Welcome Message ni Mayor Jayectin nga pagasundan sa paghatag ni PAGRO Chief Dr. Simenesa Rationale of the Activity ug sa mga inspiring Massages nila ni Gov. Tyron Uy, DA Region XI Dir.  Engr. Oñate, ug BM Macario Humol.

Si Senior Agriculturist Arnold Del Pilar sa Comval PAGRO nagsulti nga parte sa selebrasyon ang pagtunol nila ni Gov. Tyron Uy ug DA Region XI Dir. Oñate sa 5-Units Multi Cultivator nga ang kada-usa nagkantidad og P220,000.00, sa 10-Units Water Pump sa kantidad nga P80,000.00 ang kada-usa, ug laing1-Unit Combine Harvester for Corn sa kantidad nga P1.65 Milyones nga gipadala ni Pang. Rody Duterte ngadto sa mga Farmer Organizations sa Comval nga mahitabo human sa pagpanghatag og Awards ngadto sa Gawad Saka Provincial Awardees nga mga Comvaleño Farmers.

Ipahibalo sad sa mga mangunguma ang klase-klaseng mga ayuda sa panguma nga ihatag sa gobyerno ilalom sa lain-laing mga programa sama sa Agri-Fishery Government Loan ug Crop Insurance Program.

Itudlo sad sa mga mangunguma ang nagkadaiyang Farming Innovations  sama sa Sow Production and Management, Product Presentation sa nagkada-iyang mga kompanya, Spray Drones, Importance of Bee Polinators, ug Crops Nutrient Management.

Apan ang usa kaadlawng panagtapok humanon sa Closing Remarks ni Assistant PAGRO Chief Ronald Sibayan.(Gilbert M. Cabahug, PAO-ID Comval)