Gov. Tyron Uy mihatag sa iyang “1st State of the Province Address”

Compostela Valley Province—Opisyal na nga mihatag si Gov. Jayvee Tyron Uy  sa iyang “1st State of the Province Address (SOPA)” nga mao ang paghatag sa iyang official report sa iyang mga accomplishments sa public services delivery sulod sa usa ka tuig niyang paglingkod nga Gobernador sa Compostela Valley.

Ang iyang SOPA gihimo sulod sa SP Session Hall sa kapitolyo niadtong Oktobre 18, 2017 atol sa   63rd  Regular Session sa Comval SP nga gipanguluhan nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy, ug mitambong gyod niini ang tanang SP Members nga padayong naga-complement sa iyang mga programa ug mga proyekto tumong sa paghatag ug kaayohan sa mga katawhang Comvaleño.

Gipresentar sa report sa gobernador ang iyang guiding principle sa kadulamalahan nga iyang gipatuman ubos sa iyang administrasyon nga mao ang “One Comval, One Vision” diin matud pa niya gihulagway niini ang iyang dakong tinguha sa malungtaron ug mapadayong panaghiusa ug pagtinabangay sa tanang mga lideres ug mga katawhang Comvaleño tumong sa kaayohan sa tanan nga  sa kinatibuk-an na-ecapsulate sa way utlanan ug way kinutobang hulad sa Planeta, Katawhan, Kaabunda, ug kalinaw.

Sa planeta ang mga nabuhat ubos sa Environmental Governance nga naglakip sa pagtanom ug pagpang apod-apod sa libreng mga semilya sa kapin 5.5 milyones punoan sa Forest Trees, Fruit Trees, Rubber, Coffee, ug Cacao sa mokabat 6,447 ektaryang luna sa yuta diin apil sa mga nahatagan niini ang 5,784 ka mga mangunguma.

Para sa katawhan ang 28,779 ka mga pasyente ug individual nga natabangan sa Crisis Intervention nga mao ang paghatag ug Medical Assistance, Burial Assistance, ug Fire victims Assistance nga gitunol sa probinsiya pinaagi sa PSWDO ug sa gimugna niyang Satellite Offices.

Samtang, apil sad sa iyang Report ang 31,847 ka mga pasyente nga natambalan nga libre sa upat ka Provincial Hospital, ug matud pa niya nga luyo sa daghan kaayong mga pasyente nga natambalan sa mga hospital nga libre aduna sad kini income nga kapin P360 Milyones sulod sa usa ka tuig niyang paglingkod nga gibernador sa Comval Province. (Gilbert M. Cabahug, IDS-Comval)