P140 Milyones nga Fire Emergency and Disaster (FED) Training Center tukoron sa Comval

Compostela Valley Province-Sa moabot nga mga adlaw pagatukoron sa Comval Province ang mokabat P140 Milyones nga “Fire Emergency and Disaster (FED) Training Center” nga maoy tumong sa “Deed of Usufruct” nga  gipirmahan bag-o lang ni Gov. Jayvee Tyron Uy ug mga kauban nga sila .DILG ASec. Gen. Nestor F. Quinsay Jr., BFP National Fire Dir. Leonard R. Bañago, ug 11 ka mga Municipal Mayors sa pagpanguna ni LMP Chair Mayor Roberto Yugo sa Pantukan alang sa mokabat 1.2 ektaryang luna sa yuta sa PLGU Comval nga pagatukoran sa nag-inusara ug pinakadakong “Fire Emergency and Disaster (FED) Training Center” sa tibuok kapupud-an sa Mindanao.

Ddiha nila himoa sa Social Hall sa kapitolyo ang signing sa “Deed of Usufruct” niadtong Lunes (Oktobre 16,2017) atol sa bag-o nahumang LMP Special Meeting nga gisaksihan sa mga dagkong opisyal sa kapulisan sa pagpanguna ni PSSupt. Pepino ug sa mga dagkong opisyal sa BFP National Head Quarter (HQ) nga sila  Chief Directorial Staff SSupt. Mauricio V. Ramos, Dir. for Logistic SSupt. Jerry D.CAndido, ug BFP HRMD Chief CInsp. Peter Sean Anthony Atop.

Saksi sad sa gihimong “Deed of Usufruct Signing” sa giila nga pinakadakong FED Training Center sa Pilipinas ang mga BFP Regional Directors nga sila BFP NCR Regional Dir. SSupt. Roel Jeremy G.Diaz, BFP Region 4A Dir. SSupt. Sergio M. Soriano Jr., BFP Region XI Dir. SSupt. Wilberto Rico Neil A. Kwan Tiu, Comval Provincial Fire Marshall SInsp. Randolf V. Arbutante ug uban pa.

Una niini ang pagdeklara ni LMP Chair Mayor Yugo sa quorum sa mga Municipal mayors nga mitambong ug sa opisyal nga pagsugod sa ilang Meeting diin nag-una sa mga listahan sa ilang order of Business niadtong Adlawa ang pagpirmahay sa Deed of Usufruct nga pagatukoran sa pinakadakong “Fire Emergency and Disaster (FED) Training Center” sa Pilipinas nga pagtukoron diha sa sulod sa Comval Capitol Compound.

Si kanhi BFP National Fire Dir. Baruelo nagsulti nga tungod ang nagkahiusang mga lideres sa Comval nga sila Gov. Tyron Uy, Cong. Maricar Zamora, Cong. Atty. Ruwell Peter Gonzaga, ug mga Municipal Mayors maoy unang nagpakita sa dakong interest pagtukod og “Fire Emergency and Disaster (FED) Training Center” pinaagi sa paghatag og counterpart sa mga galastuhon mao nga ang Comval maoy gipili sa BFP Central Office nga pagatukoran sa nag-inusara ug pinakadakong “Fire Emergency and Disaster (FED) Training Center” sa Pilipinas  kon mahuman. (Gilbert M. Cabahug, IDS-Comval)