15,051 MSAP Shelters nahuman pagtukod sa Comval

Compostela Valley Province-Gikan sa 15,629 Housing Units target nga pagtukoron, ang PLGU Comval nakahuman na karon pagtukod sa 15,051 MSAP Shelters diin ang 5,284 niini nahuman sulod sa usa ka tuig ug duha ka bulan nga pagdumala ni Gov. Jayvee Tyron Uy sa Comval Province.

Ang labing ulahing Report nga gipagula sa opisina ni PEO Chief Engr. Rhoderick Digamon nagtug-an nga alang sa 4th Tranched nga gisugdan pagtrabaho human milingkod si Gov. Jayvee Tyron Uy nga gobernador sa Comval niadtong Hulyo 2017 aduna nay 5,384 housing Units nga nahuman gikan 5,862 Housing Units Target sa probinsiya nga pagatukoron.

1st Tranche ang unang 115 Housing Units diha sa Brgy. Kidawa,Laak nga gitabangan pagtukod sa mga katawhan ikaduhang semana sa Nobyembre 2013 atol sa usa ka semanang USWAG GK Bayani Challenge. 2nd Tranche ang 1,265 Housing Units nga nahuman sa Hunyo 2014; ug 3rd Tranche ang 8,387 Housing Units nga nahuman sa Hunyo 2016.

Gigamit sa pagtukod niining mga balaya ang dakong pundo gikan sa Malacañang nga gihatag sa Comval pinaagi sa DSWD ilalom sa Modefied Shelter Assistance Program (MSAP) alang sa nagpadayong programa sa pabalay nga gipakusog ni Gov. Tyron Uy ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy.

Tungod sa maayong performance sa nahaunang mga tuig sa padayong partnership sa pagtukod og mga balay, ang Comval Province gidugangan pa sa DSWD ug laing 5,862 ka mga balay alang sa 4th  Tranche nga gisugdan pagtrabaho pipila ka adlaw human milingkod si Gov. Tyron Uy nga gobernador sa Comval Province niadtong Hulyo 2017.

Sa pagtrabaho niining mga balaya gimando sa batan-ong Uy ang pagpakigpartner sa “USWAG-Gawad Kalinga” tungod matud pa niya kini maoy pinakamaayong paagi aron mas daling mahuman, mas paspas ang pagtrabaho, ug mapalambo ang kadasig sa mga katawhan nga mo partisipar tungod sila kabahin sa pangkalamboang mga tinguha sa bag-ong kadumalahan sa gobyerno sa probinsiya ug sa Nasud. (Gilbert M. Cabahug, IDS-Comval)