Comvaleño Teachers lingaw sa “Fun Games” ug “Pampering Services” atol sa World Teachers’ Day

Compostela Valley Province–-Gihimong talagsaon, mabulokon, ug mas halandumon para sa mga Comvaleño Teachers ang selebrasyon sa World Teachers’ Day ang gisaw-ang “Fun Games” ug “Pampering Services” nga naglakip sa mga libreng Massage ug libreng Nail Care Services nga gidalit kanila mismo ni Gov. Jayvee Tyron Uy pinaagi sa Comval Provincial Council of Women sa pagpanguna ni Provincial Council of Women Chair Madam Sholai Lim.

Ang pagdalit sa “Fun Games” ug “Pampering Services” gisugdan niadtong Oktobre 3,2017 diha sa bag-ong DepEd Office Building sa kapitolyo, ug miapil niini ang mga dagkong opisyal sa Comval DepEd sa pagpanguna nila ni SDS Dr. Reynante Solitario ug ASDS Josie Bolofer.

Sa Oktobre 4,2017 ang mga Teachers sa mga lungsod sa Compostela, Montevista, ug Maragusan maoy gidalitan sa probinsiya sa talagsaong klase sa mga paglingaw.

Samtang, sa Oktobre 5,2017 maoy gidalitan sa makalingawng “Fun Games” ug “Pampering Services” ang mga Teachers sa Nabunturan, sa Mawab, sa Laak, sa Pantukan, sa Maco, ug Mabini.

“Without Teachers all other professions-the doctors, the lawyers will not exist. Indeed, teaching is the most noble profession of all’. Karong ‘World Teachers Day’ ginasaulog ta ang kabayanihan sa mga magtutudlo diha sa atong mga eskwelahan sulti ni Gov. Tyron Uy. (Gilbert Cabahug//ids comval)